ESAIA 11:16 - Jinghpaw Common Language Bible 2009

¹⁶ Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

Jinghpaw Hanson Version Bible

¹⁶ Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 11:16 ပူးပေါင်းရင်းမြစ်များ

PRU MAT 14:22

Israela amyu masha ni mung dai panglai hta lahkawng maga na hka shakum a lapran na hkun hkraw ai hkarang hku hkawm lai mat wa ma ai.

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 19:23

Dai aten du ai shaloi, Egutu mung hte Asuri mung lapran ningmaw lam kaba hku wa na ra ai. Dai mungdan lahkawng na amyu masha ni gaw mungdan lahkawng a lapran htinglet hkawm sa wa na mara ai, dai mungdan lahkawng gaw rau sha nawku wa na mara ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 49:11

“Ngai gaw bum ni hpe lai di ai nmaw lam kaba galaw nna nye a amyu masha ni a matu hkawm sa na lam langai hkyen ya na nngai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 51:10

Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

ESAIA 57:14

Dai Madu gaw, “Nye a amyu masha ni ngai hpang de nhtang wa mu ga. Shanhte a lam kaw na dingbai dingna shagu hpe seng kau ya mu! Nmaw lam galaw mu, dai hpe shajin da mu!

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.