ESAIA 11:11 - Jinghpaw Common Language Bible 2009

¹¹ Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

Jinghpaw Hanson Version Bible

¹¹ Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 11:11 ပူးပေါင်းရင်းမြစ်များ

NINGPAWT NINGHPANG 10:10

Shawng na shi a mungdan hta Babelon mung na Babelon mare, Erek hte Ahkad mare masum mung lawm nga ai.

NINGPAWT NINGHPANG 10:22

Shem a shadang sha ni gaw Elam, Ashura, Arhpaza, Luda hte Aram ni rai nna shanhte a mying ni hta hkan nna pra nga ai amyu masha ni a kaji kawa ni tai wa nga masai.

NINGPAWT NINGHPANG 11:2

Shanhte gaw sinpraw maga de htawt hkawm nga ma yang, Babelon mung hta nga ai pa layang langai mi de du nna dai yang e de nga ma ai.

NINGPAWT NINGHPANG 14:1

Hkawhkam mali rai nga ai, Babelon hkawhkam Amrahpela, Elasa hkawhkam Ariok, Elam hkawhkam Hkedalauma, hte Goim hkawhkam Htidala

NINGPAWT NINGHPANG 2:13

Lahkawng ngu na hka nu gaw Gihon rai nga ai; dai gaw Hkusha mung grup yin hku lwi mat nga ai.

2 HKAWHKAM 17:24

Asuri hkawseng gaw Babelon, Hkuhta, Awa, Hamat hte Sehparim masha ni hpe woi la nna, bawng dung hkrum ai Israela masha ni a malai Samari mare ni hta shanhte hpe nga shangun ma ai. Shanhte gaw dai mare ni hpe madu la nna dai yang e nga nga ma ai.

ESHTA 10:1

Hkawhkam Ahasuru gaw shi a hkawseng mungdan na hkin-gau mayan ginwang ni hkan nga ai masha ni hpe mung, mungdan kata de nga ai ni hpe mung bungli laja lana galaw na hkang da nga wu ai.

SHAKAWN KUNGDAWN 68:22

Dai Madu gaw, “Na a gumlau hpyen ni hpe Bashan kaw nna bai shaga shapraw la na nngai; nammukdara a sung htum ai shara kaw na mung ngai shanhte hpe shaga shapraw la na nngai,

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 10:9

Ngai gaw Hkalno hte Hkarhkeme a mare ni hte Hamat hte Arpad a mare ni hpe mung, Samari hte Damasku mare ni hpe mung gasat dang kau ni ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 19:21

Dai Madu gaw shi nan Egutu mung masha ni hpe shadan dan na ra ai, shanhte gaw shi hpe yin la nna nawku daw jau wa na mara ai. Shanhte gaw shi hpe shagu hkungga hte mahku hkungga ni nawng jau wa na mara ai. Shanhte gaw shi hta dagam ga sadi tawn da na mara ai, dai ga sadi hte maren shanhte galaw na mara ai.

ESAIA 19:22

Dai Madu gaw Egutu masha ni hpe ari jaw na ra ai, rai ti mung shi gaw shanhte hpe shamai shatsai ya na ra ai. Shanhte gaw shi kaw kayin wa na mara ai, shi gaw shanhte a akyu hpyi ga ni hpe na ya ai hte shanhte hpe shamai shatsai ya na ra ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 22:6

Elam mung na hpyenla ni gaw ndan pala ni hpe lang nna gumra jawn sa wa nga ma ai. Kira mung na hpyenla ni gaw shanhte a ninggang ni hpe jin jin di da nga masai.

ESAIA 24:15

Sinpraw maga de nga ai ni gaw shi hpe kungdawn na mara ai. Panglai mayan hku nga ai ni chyawm gaw dai Madu Israela a Karai Kasang hpe shakawn kungdawn wa na mara ai.

ESAIA 37:31

Yuda mung hta naw ngam nga ai ni gaw ga kata de sung sung ru jung nna asi si kung dam wa ai hpun zawn gumring gumrat wa na ra ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

YEREMIA 44:1

Dai Madu gaw Egutu mung na Migdola, Tahpan hte Memhpi mare ni hte Egutu mung a dingda daw de nga nga ai Israela amyu masha ni yawng hte seng nna ngai hpe tsun wu ai.

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

EZEKELA 29:14

ngai gaw shanhte hpe shanhte a daidaw buga nta nga ai Egutu mung a dingda daw de shanhte hpe nga shangun na nngai. Dai yang e shanhte gaw n-gun kya ai mungdan,

EZEKELA 30:14

Ngai gaw Egutu mung a dingda daw ni hpe katsi katsang shara shatai kau nna, dingdung maga de nga ai Zoan mare hpe mung wan nat kau na nngai. Mungdan a mare daju rai nga ai Thebe mare hpe mung ari jaw na nngai.

EZEKELA 32:24

Elam mung gaw dai yang e, shi a grup grup hta shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai; shanhte gaw matu gadoi n hkam la ai sha katsan ga de yu mat wa masai. Shanhte gaw asak naw hkrung nga yang, hkrit hpa lam shapraw ma ti mung, ya chyawm gaw shanhte si taw ai hte myi man sum nga masai.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

Daniela 1:2

Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

Daniela 11:18

Dai hpang shi gaw panglai hka masawn hku nga ai masha amyu ni hpe gasat nna ka-up la na ra ai. Rai ti mung maigan na ningbaw langai mi shi hpe dang kau nhtawm, myit tsaw myit dap ai hpe jahtum kau ya na ra ai. Shi gaw Suri hkawhkam wa a myit tsaw myit dap ai hpe shi a ntsa de teng teng nhtang kau dat ya na ra ai.

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

HOSEA 1:11

Yuda amyu masha ni hte Israela amyu masha ni rau bai zup hpawng wa na mara ai. Shanhte gaw shanhte a matu ningbaw langai sha lata san da nna, shanhte a mungdan hta rawt kaba wa nhtawm ngamu ngamai wa na mara ai. Rai sa, Yezrela a shani gaw galu kaba ai shani tai na ra ai!

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

HOSEA 11:11

Shanhte gaw Egutu mung na chyang ai ntsa malen u ni zawn mung, Asuri mung na hkrudu ni zawn mung du sa wa na mara ai. Ngai gaw shanhte hpe shanhte a dum nta ni de bai woi la na nngai. Ngai Madu nan tsun ni ai.”

MIHKA 7:12

Dai shani e, sinpraw maga Asuri mung, dingda maga Egutu mung, Uhprat hka nu lapran hkan na mung, grai tsan ai panglai hte, bum ni kaw nna mung, shara shagu hkan chyam bra hkawm nga ai na a amyu masha ni nang hpang de bai nhtang wa na mara ai.

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

ZEHKARIA 5:11

Shi mahtang, “De a matu shanhte gap na ra ai Nawku Htingnu hpe Babelon mung de la mat wa na mara ai. Dai Nawku Htingnu hpe gap ngut jang nawku na matu dai yang e ka hpe tawn da na mara ai,” ngu nna htan wu ai.

ZEHKARIA 8:7

Nye a amyu masha ni hpe shanhte woi la hkrum ai mungdan ni kaw na hkye mawai la na nngai;

ZEHKARIA 9:2

Hadrak mung a lamu ga jarit hta nga ai Hamat hte kung kyang ai hpaji rawng ai Turu hte Sidon mare ni mung shi hte seng nga ai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

2 KORINHTU 3:16

Rai ti mung dai magap hpe gun kau lu ai. Chyum Laika hta Mawshe a lam tsun da ai hte maren, shi gaw Madu hpang de kayin ai shaloi shi a man magap hpe gun kau ya hkrum nga ai.

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.