ESAIA 11:1 - Jinghpaw Common Language Bible 2009

¹ Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

Jinghpaw Hanson Version Bible

¹ Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 11:1 ပူးပေါင်းရင်းမြစ်များ

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

1 HKAWHKAM LABAU 2:12

Obed hte Yese.

SHAKAWN KUNGDAWN 145:11

Shanhte gaw na a hkawhkam daru magam hpung shingkang hte na chyahtum chyalai n-gun a lam hpe hkai dan na mara ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

ESAIA 6:13

Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

YEREMIA 33:15

Dai aten hta ding hpring ai Dawi a aru arat hpe hkawhkam hku nna ngai lata san da na nngai. Dai hkawhkam wa gaw mungdan ting hta ding hpring ai hte teng man ai hku bungli daw dan na ra ai.

EZEKELA 17:22

Ndai gaw Tsaw Htum ai dai Madu tsun ai mungga rai nga ai: “Ngai gaw tsaw ai arit hpun ndung la nhtawm kya ai makrung langai di la na nngai; Ngai gaw dai hpe tsaw ai bum ntsa e mung,

EZEKELA 37:25

Nye a shangun ma Yaku hpe ngai jaw da ai lamu ga ngu ai shanhte a kaji kawa ni shanu yu sai mungdan hta shanhte shanu nga na mara ai. Shanhte gaw dai mung e prat tup nga lu na mara ai. Shanhte a kasha ni mung kashu ni hte dai ni a aru arat matu mara ni yawng mung, dai mungdan hta htani htana prat dingsa shanu nga na mara ai. Nye a shangun ma Dawi hte bung ai hkawhkam wa gaw shanhte hpe htani htana prat dingsa up hkang na ra ai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

ZEHKARIA 6:12

Chyahtum Chyalai N-gun rawng ai dai Madu gaw shi hpe, ‘Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai.

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

ROMA 15:12

Bai Esaia gaw, “Yese a aru arat langai mi paw pru na ra ai, maigan amyu ni hpe up na matu Karai Kasang gaw shi hpe paw pru shangun na rai nna, Maigan amyu ni dai wa hta myit mada kam hpa nga na mara ai,” nga ai.

HEBRE 7:14

Shi gaw Yuda amyu hta na shangai wa sai hpe yawng chye nga ai; Mawshe gaw hkinjawng ni hte seng nna tsun ai shaloi Yuda amyu ru sai a lam hpa mung n tsun da nga ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

SHINGRAN 5:5

Dai rai nna, salang ni hta na langai mi gaw, “Hkum hkrap et. Yu u! Yuda amyu hta na hkanghkyi ngu ai Dawi a amyu kaba matu mara gaw, awng padang lu nna dai dazik sanit hpe gaw kau nna laika shabawn hpe hpaw lu sai,” nga nna tsun ai.

RUHTA 4:17

Shi a htingbu jan ni mung sa nna ma dai hpe Obed ngu shamying ya ma ai. Shanhte langai hte langai mung, “Naomi hta shadang sha langai lu nu ai!,” ngu nna tsun ma ai. Obed gaw Dawi a kawa Yese hpe shaprat wu ai.

1 SAMUELA 17:58

Shawlu gaw shi hpe, “Shabrang wa e, nang kade kasha rai n ta?,” ngu nna san wu ai. Shaloi Dawi mung, “Ngai gaw Betlehem mare na na a shangun ma Yese a kasha rai nga nngai,” ngu nna htan wu ai.