ESAIA 10:6 - Jinghpaw Common Language Bible 2009

⁶ Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

Jinghpaw Hanson Version Bible

⁶ Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 10:6 ပူးပေါင်းရင်းမြစ်များ

2 SAMUELA 22:43

Ga nhpu zawn tai mat hkra ngai shanhte hpe adup mani mawe ai; nmaw lam ntsa na hkumpup zawn shanhte hpe ngai kabye anya kau we ai.

2 HKAWHKAM 18:25

Dai Madu a karum la lam n nga ai sha, na a mungdan hpe ngai shang gasat nna dai hpe ngai jahten sharun kau na re ngu, nang myit nawn da wu ni? Dai Madu shi nan dai mungdan hpe htim gasat nhtawm jahten sharun kau na matu ngai hpe tsun da ni ai,” ngu nna tsun wu ai.

ESAIA 19:17

Egutu masha ni gaw Chyahtum Chyalai N-gun rawng ai dai Madu gaw shanhte a matu hkyen lajang ya nu ai hpang jahtum na lam hpe shanhte aten shagu myit dum nga ma ai majaw Yuda hpe hkrit kajawng na mara ai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 41:25

“Ngai gaw sinpraw maga de nga ai masha langai mi hpe lata la ni ai; ngai gaw shi hpe dingdung maga de nna gasat na matu woi la na nngai. Shi gaw mung du ni hpe hkumpup zawn, di bu sama wa kagam ga hpe kabye gumchya ai zawn kabye anut nga ai.

ESAIA 49:17

“Nang hpe bai gaw gap da na ni kade n na yang du na mara ai, nang hpe jahten sharun kau ai ni pru mat wa na mara ai.

ESAIA 49:25

Dai Madu gaw, “Dai gaw ning rai byin wa na lam rai nga ai. Hpyenla wa a bawng masha ni gaw lawt wa lu na mara ai, gumshem ai wa a lanep gaw rim la hkrum na ra ai. Ngai hpe gasat ai wa kadai hpe mung ngai gasat na nngai, ngai gaw na a ma kaji ni hpe hkye mawai la na nngai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

ESAIA 5:5

“Ndai gaw nye a sabyi sun hta ngai galaw sa wa na amu rai nga ai: Ngai gaw dai sun hpe kum gawan da ai nhpan ni hpe la kau nna, dai hpe makawp maga da ai bunghku ni hpe jahten kau na we ai, matse labye dusat ni dai hpe sha kau mu ga, dai sun hpe kabye anut kau mu ga.

ESAIA 63:3

Dai Madu gaw, “Ngai gaw masha amyu baw ni hpe sabyi si ni hpe zawn kabye anut kau ni ai, kadai mung ngai hpe sa karum la ai n rai. Ngai gaw masin pawt ai hte shanhte hpe kabye mani kau nngai, shanhte a asai gaw nye a hpun palawng ni yawng hta numsha mat sai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

ESAIA 8:8

Shanhte gaw lahpa du hkra tsaw lung wa ai hka hpungla hte arai yawng mayawng hpe ka-up mat wa nna, Yuda mung hkren hkra ye magawn mat wa na mara ai,” nga nna tsun ai. Karai Kasang gaw anhte hte rau rai nga ai! Shi a kahpyan da ai singkaw ni hte dai mungdan hpe makawp maga nga ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 34:22

Ngai aming jaw dat ai hte shanhte gaw mare de bai nhtang shang wa na mara ai. Shanhte gaw dai mare hpe htim gasat nhtawm rim la ai hte dai mare hpe nat kau na mara ai. Ngai gaw Yuda mung na mare kahtawng ni hpe kadai mung n shanu nna shingran sharat katsi ai zaibru jang zawn shatai kau na nngai. Dai Madu ngai nan tsun ni ai.”

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 29:20

Shi a hpyen luksuk ni gaw nye a matu amu galaw ya mi ai hte shi a daw jau ai amu hpe bai htang jaw ai hku ngai shi hpe Egutu mung ap ya nngai. Tsaw Htum ai dai Madu ngai nan tsun ni ai.

EZEKELA 38:12

Nang gaw lang mi hten run mat nna katsi katsang rai mat sai mare ni hta nga ai amyu masha ni a lanep hpe shang hpya na rai ndai. Shanhte gaw amyu baw ni a lata kaw na shinggyin la hkrum ai hte ya yam nga hte sut gan hta shanhte ngamu ngamai wa ai hte mungkan lam mazup ni hta bai wa shanu nga ma ai.

EZEKELA 38:13

Sheba hte Dedan masha ni mung, Spain mare kahtawng hkan na hpaga ga ai ni mung nang hpe, ‘Lanep kashun la lu na matu, na a hpyen luksuk hpe nang jahpawng tawn nna gasat nga n ni? Ja, gumhpraw, yam nga hte sut gan amyu myu hpe jahten kau na matu nang myit shatawng nga n ni?,’” ngu nna san na mara ai.

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

MAHTE 15:7

Sawt ai ni e! Nanhte hte seng nna Karai Kasang gaw Esaia a n-gup hku nna,