ESAIA 10:5 - Jinghpaw Common Language Bible 2009

⁵ Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

Jinghpaw Hanson Version Bible

⁵ Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 10:5 ပူးပေါင်းရင်းမြစ်များ

NINGPAWT NINGHPANG 10:11

Dai mung kaw nna Asuri mung de shi sa wa nhtawm Ninewe, Rehubut Ira, hte Hkala mare ni hpe mung,

2 HKAWHKAM 18:25

Dai Madu a karum la lam n nga ai sha, na a mungdan hpe ngai shang gasat nna dai hpe ngai jahten sharun kau na re ngu, nang myit nawn da wu ni? Dai Madu shi nan dai mungdan hpe htim gasat nhtawm jahten sharun kau na matu ngai hpe tsun da ni ai,” ngu nna tsun wu ai.

2 HKAWHKAM 19:25

“Ndai lam mahkra hpe moi chyaloi nhkoi kaw nna ngai yaw shada maw mawn nga ai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngang ai bunghku hte kum da ai mare ni hpe run jahten kau nna nlung sumpum shatai kau na matu ngai nang hpe daru magam n-gun jaw ya de ai.

SHAKAWN KUNGDAWN 125:3

Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 10:25

Kade n na yang, ngai nanhte hpe ari jaw nga ai hpe jahtum kau na nngai, dai hpang ngai shanhte hpe jahten kau na nngai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 14:24

Chyahtum Chyalai N-gun rawng ai dai Madu gaw ning ngu dagam shaka wu ai: “Ngai maw mawn ai amu byin wa na ra ai. Ngai galaw na ngu daw dan da ai amu tai wa na ra ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 23:13

(Matse labye dusat ni hpe Turu de shingle shang shangun ai gaw Asuri masha ni n rai, Babelon masha ni she rai ma ai. Babelon masha ni gaw langchyi ni hpe sharawt tawn nhtawm Turu a ngang ai hpyen dap ni hpe sharun shabyak kau ya let mare hpe jahten sharun kau da ma ai.)

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 30:27

Dai Madu a daru magam n-gun hte hpung shingkang hpe sumtsan shara hta mu lu nga ai. Wan hte wan hkut gaw shi a masin kahtet ai hpe madun dan nga ai. Shi ga shaga ai, shi shaga ai ga ni gaw wan zawn hkru nga ai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 66:14

Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

ESAIA 7:20

“Dai aten du ai shaloi, Madu gaw Uhprat hka nu a wora hkran e nga ai kara shangun ai wa ngu ai Asuri hkawseng wa hpe saw shaga dat na ra ai! Shi gaw nanhte a nhka mun, nanhte a baw ntsa e tu ai kara ni hte nanhte a hkum hkan tu nga ai mun ni hpe shangun kau ya na ra ai.

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

ZEHPANI 2:13

Dai Madu gaw Asuri mungdan hpe shaza kau na matu shi a daru magam n-gun lang wa na ra ai. Shi gaw Ninewe mare hpe shingran katsi ai shara hte hkun hkraw ai zaibru jang shatai kau na ra ai.

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”