ESAIA 10:4 - Jinghpaw Common Language Bible 2009

⁴ Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

Jinghpaw Hanson Version Bible

⁴ Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 10:4 ပူးပေါင်းရင်းမြစ်များ

ESAIA 22:2

Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

ESAIA 24:22

Karai Kasang gaw nhkun kata hta sharen da ai bawng dung masha ni hpe zawn hkawhkam ni hpe shinggyin mahkawng da na ra ai. Shi gaw shanhte hpe ari jaw ai aten du hkra, htawng kata hta la bang da na ra ai.

ESAIA 34:3

Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

ESAIA 9:11

Dai Madu gaw shanhte hpe gasat na matu shanhte a gumlau hpyen ni hpe shalut ya nu ai.

ESAIA 9:12

Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 15:2

Shanhte kade sa wa na rai ma ta?, nga nna nang hpe shanhte san ma ai shaloi, ngai tsun ni ai ga shanhte hpe tsun u: Nkau mi gaw ana ahkya hte si na matu dingnye hkrum nga ma ai- dai gaw shanhte sa wa na lam rai nga ai! Nkau mi gaw majan hta si na matu dingnye hkrum nga ai- dai gaw shanhte sa wa na lam rai nga ai! Nkau mi gaw kawsi hpang gara ai hte si na matu dingnye hkrum nga ai- dai gaw shanhte sa wa na lam rai nga ai! Kaga ni gaw bawng masha ni zawn woi la na dingnye hkrum nga ai- dai gaw shanhte sa wa na lam rai nga ai!

YEREMIA 37:10

Nang gaw Babelon hpyen luksuk ting hpe gasat dang kau nna hkala nba hkrum ai ni chyu sha ngam nga ai hte shanhte a sum ni hta taw nga ma ti mung, dai masha ni rawt wa nna ndai mare hpe dap byin mat hkra nat kau na mara ai,” ngu nna tsun wu ai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.