ESAIA 10:34 - Jinghpaw Common Language Bible 2009

³⁴ Dai Madu gaw shanhte hpe maling kata na hpun ni hpe nwa hte kran kadang kau ai hte tsawm ai Lebanon hpun ni hpe pyi kran daw kau ai zawn shanhte hpe kran kadawng kau na ra ai.

Jinghpaw Hanson Version Bible

³⁴ Shi gaw nam maling na singwum ni hpe, nhtu hte hkyen kau nna, Lebanon hpun ni gaw n-gun ja ai wa a lata hte kadawng mat na mara ai.

ESAIA 10:34 ပူးပေါင်းရင်းမြစ်များ

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

ESAIA 10:18

Sut nhprang hte hpring ai nam maling ni hte yi sun lamu ga ni tsep kawp jahten kau hkrum na ra ai, dai hte maren, si shangun lu ai machyi makaw gaw masha langai ngai hpe jahten lu nga ai.

ESAIA 2:13

Shi gaw Lebanon a tsaw ai arit hpun ni hte Bashan lamu ga hta tu ai wamyi hpun ni yawng hpe jahten kau na ra ai.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 37:24

Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

YEREMIA 22:7

Dai hpe shamyit kau na matu, ngai gaw masha ni hpe dat dat na nngai. Shanhte yawng gaw ningwa ni lang nna tsawm ai arit hpun nu ni hpe kran nhtawm wan hta kabai bang kau na mara ai.

YEREMIA 48:2

Moba a hkik hkam ai gaw n nga mat sai. Gumlau hpyen gaw Heshbon hpe wang tawn da nhtawm Moba masha ni hpe shamyit kau na maw mawn nga ma ai. Madmen mare gaw shingran katsi mat nna, hpyen luksuk ni dai mare hpe lung gasat na mara ai.

EZEKELA 31:3

Nang gaw Lebanon e tu ai arit hpun hte bung nga ndai, Dai hpun gaw tsawm nna shingnip tai ya ai lakung lakying ni hte rai nga ai; hpun gaw grai tsaw nga ai hte de a ndung gaw sumwi ni hpe dep nga ai.

Daniela 4:23

Madu hkawhkam sin yu nga yang, lamu kasa langai gaw sumsing lamu kaw nna yu sa nhtawm, ‘Hpun hpe kran kadawng kau nna dai hpe jahten kau u; rai ti mung hpundu hpe mahtang ga hta e tawn da u. Hpri hte magri mang sumri hte dai hpe gyit hkang da u, tsingdu tsingman tu ai sun hta dai hpe tawn da u. Dai masha wa a ntsa e numri hkrat bun u ga. Dai yang e sanit ning tup dusat ni hte rau nga nga u ga,’ ngu nna tsun wu ai.

NAHUM 1:12

Ndai gaw dai Madu shi a amyu masha Israela hpe tsun ai mungga rai nga ai: “Asuri masha ni n-gun ja nna law nga ti mung, shanhte gaw shamyit kau hkrum ai hte hkoi mat wa na mara ai. Nye a amyu masha ni e, ngai nanhte hpe nni nkri jahkrum ni ai, rai ti mung ngai gaw dai amu bai galaw na nngai n rai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

2 PETRU 2:11

Ndai masu ai sara ni hta grau nna n-gun atsam rawng ai lamu kasa ni pyi gaw Madu a man e shanhte hpe roi asawng ai hte mara shagun ai lam n galaw ma ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.