ESAIA 10:33 - Jinghpaw Common Language Bible 2009

³³ Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

Jinghpaw Hanson Version Bible

³³ Yu mu, Zaw nawng zaw wa up ai Madu Yehowa gaw hkrithpa atsam hte lakung lakying ni hpe krum kau na ra ai; tsaw la ai ni hpe kran kau nna, kaba ai ni hpe shanem kau na ra ai.

ESAIA 10:33 ပူးပေါင်းရင်းမြစ်များ

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

ESAIA 18:5

Pu ni yawng run hkrat mat nna sabyi si ni myin wa nga ai aten, sabyi si ni hpe garai n di mahkawng yang, sabyi ru ni kaw na kungdam ai lakung lakying ni hpe nhkyi hte aloi loi sha kran kau ai zawn, gumlau hpyen ni gaw Ehtiopi masha ni hpe jahten shaza kau na ra ai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

ESAIA 33:3

Nang anhte a matu gasat ai shaloi, masha amyu baw ni majan nsen ngoi garu ai kaw na hprawng mat wa ma ai.

ESAIA 37:38

Lani mi na aten hta, shi gaw shi a hpara Nisrok a htingnu kata hta nawku nga yang, shi a kasha Adramelek hte Shareze yan gaw shan a nhtu hte shi hpe kahtam sat kau da nna, Ararat mung de hprawng mat wa ma ai. Kaga shi a shadang sha ngu na Esahadon mahtang shi a tingnyang hta hkaw matut dung nga ai.

ESAIA 5:15

Masha shagu hte gaw sari jahpoi hkrum na mara ai, gumrawng gumtawng ai ni yawng hte gaw shagrit kau hkrum na mara ai.

YEREMIA 22:7

Dai hpe shamyit kau na matu, ngai gaw masha ni hpe dat dat na nngai. Shanhte yawng gaw ningwa ni lang nna tsawm ai arit hpun nu ni hpe kran nhtawm wan hta kabai bang kau na mara ai.

EZEKELA 31:3

Nang gaw Lebanon e tu ai arit hpun hte bung nga ndai, Dai hpun gaw tsawm nna shingnip tai ya ai lakung lakying ni hte rai nga ai; hpun gaw grai tsaw nga ai hte de a ndung gaw sumwi ni hpe dep nga ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

NAHUM 1:12

Ndai gaw dai Madu shi a amyu masha Israela hpe tsun ai mungga rai nga ai: “Asuri masha ni n-gun ja nna law nga ti mung, shanhte gaw shamyit kau hkrum ai hte hkoi mat wa na mara ai. Nye a amyu masha ni e, ngai nanhte hpe nni nkri jahkrum ni ai, rai ti mung ngai gaw dai amu bai galaw na nngai n rai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”