ESAIA 10:32 - Jinghpaw Common Language Bible 2009

³² Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

Jinghpaw Hanson Version Bible

³² Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

ESAIA 10:32 ပူးပေါင်းရင်းမြစ်များ

2 HKAWHKAM LABAU 32:1

Ndai mabyin lam ni ngut ai hpang, Hkawhkam Hezekia gaw dai Madu hpe kangka ai hte daw jau nga ai; Asuri Hkawseng Senahkerib gaw Yuda mung hpe shang gasat wu ai. Shi gaw bunghku kum ai mare ni hpe wang da nhtawm bunghku hku lai shang wa nna shanhte a matu lam waw mat wa na matu shi a luksuk ni hpe hkang da wu ai.

2 HKAWHKAM LABAU 32:2

Senahkerib gaw Yerusalem mare hpe mung htim gasat na maw nga ai hpe Hezekia mu jang,

NEHEMIA 11:32

Bai Anahtot, Noba, Anania,

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 10:31

Madmena hte Gebim masha ni gaw shanhte a asak a matu hprawng nga ma ai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 16:1

Moba masha ni gaw nam mali na Sela mare kaw na sagu kasha langai hpe kumhpa hku nna Yerusalem up ai wa hpang de sak jaw dat ma ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 37:22

dai Madu gaw, “Senahkerib e, Yerusalem mare gaw nang hpe mani ai hte mani asawng nga ai.

ESAIA 8:8

Shanhte gaw lahpa du hkra tsaw lung wa ai hka hpungla hte arai yawng mayawng hpe ka-up mat wa nna, Yuda mung hkren hkra ye magawn mat wa na mara ai,” nga nna tsun ai. Karai Kasang gaw anhte hte rau rai nga ai! Shi a kahpyan da ai singkaw ni hte dai mungdan hpe makawp maga nga ai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

MIHKA 1:9

Samari a ningma ni hpe tsi lajang lu na n rai; Yuda mung mung dai hte maren nni nkri hkam sha ra nna, dai gaw nye a amyu masha ni shanu nga ai Yerusalem chyinghka ni de du hkra jahten shaza ai lam hkan dep nang nga ai,” ngu nna tsun ni ai.

ZEHKARIA 2:9

“Dai Madu gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai Madu ngai hpe shangun dat ai amu, masha shagu chye na wa na mara ai.

1 SAMUELA 21:1

Dawi gaw hkinjawng Ahimelek nga ai Noba mare de sa wa wu ai. Ahimelek mung shi hpe hkap tau la na nga hkrit gari ai hte pru sa wa nhtawm, “Nang chyu sha ndai shara de hpa majaw sa wa n ta?,” ngu nna hkap san wu ai.

1 SAMUELA 21:2

Dawi gaw, “Hkawhkam wa shangun ai amu a majaw ndai de du sa ai rai nngai. Shi ngai hpe galaw shangun dat ai amu, kadai hpe mung hkum chye shangun nga nna ngai hpe htet dat ai. Ya nye a masha ni hpe chyawm gaw masat da ai shara langai hta ngai hte hkrum ga ngu nna shanhte hpe tsun dan mase ai.

1 SAMUELA 22:19

Shawlu gaw Noba mare e shanu ai masha ni hpe mung, mare na hkinjawng ni hpe mung, numsha lasha, ma kaji ni hte chyu chyu ai ma ni, dumsu lawze hte sagu ni yawng hpe sat kau na matu hkang dat wu ai hte maren, dai ni yawng sat kau ai hkrum nga ma ai.

1 SAMUELA 22:9

Dai yang e Shawlu a du salang ni hte rau tsap nga ai Doeg gaw shi hpe, “Dawi gaw Noba mare e nga ai Ahitub a kasha Ahimelek kaw sa ai hpe ngai mu nngai.