ESAIA 10:3 - Jinghpaw Common Language Bible 2009

³ Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

Jinghpaw Hanson Version Bible

³ Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 10:3 ပူးပေါင်းရင်းမြစ်များ

NINGPAWT NINGHPANG 31:1

Laban a shadang sha ni gaw, “Anhte a kawa madu da ai sut gan nga manga hpe Yaku e la kau ya nu ai; shi a sut gan lu malu yawng mung wa a marang e, lu su wa salu ai,” ngu nna tsun shajang nga ma ai hpe Yaku na wu ai.

2 HKAWHKAM 7:15

Shanhte gaw Yawdan hka du hkra hkan nang nga ma ai rai nna Suri masha ni hprawng nna kabai kau da ai hpun palawng hte arung arai ni lam dingyang hkan taw nga ai hpe shanhte sa mu ma ai. Dai hpang hkawhkam wa hpang de shanhte nhtang wa nna shiga wa shana ma ai.

YOBA 31:14

Dai zawn ngai galaw ai rai yang, Karai Kasang hpe ngai kaning rai myi man madun lu na rai ta? Karai Kasang ngai hpe tara sa jeyang yang, ngai kaning ngu tsun lu na rai ta?

GA SHAGAWP 11:4

Si ai de nang myi man yawng ai shani e, sut gan gaw nang hpe hpa karum lu na n rai; ding man ai lam chyawm gaw na a asak hpe hkye hkrang la lu nga ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 17:4

Dai Madu gaw, “Israela a galu kaba ai gaw htum mat wa nna, shi a sut su ai hpe matsan chyaren re ai hte galai kau hkrum na ra ai nhtoi du sa wa nga ai.

ESAIA 20:6

Dai aten du ai shaloi, Hpilisti mung panglai hkin-gau mayan hku shanu nga ai masha ni gaw, ‘Asuri hkawseng kaw nna anhte hpe makawp maga la na matu anhte kam hpa nga ai amyu masha ni hta hpa baw byin nga sai hpe, yu yu mu! Anhte kaning rai hkrung nga lu na rai nga ga ta?,’” nga nna tsun na mara ai.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 28:20

Nanhte gaw ga shagawp laika na, latsawn n mai hkra kadun ai yup ku ntsa e yup na matu shakut ai wa, hpun n ram hkra nau kaji ai nba hpe hpun ai wa zawn tai na myit dai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:16

Shing rai na malai, Nanhte gaw gumlau hpyen ni a lata kaw na hprawng lawt lu na matu laram ai gumra ni jawn na she yaw myit dai. Hprawng lawt na matu nanhte lajang ai gaw jaw nga ai! Nanhte gaw nanhte a gumra ni laram nga ai ngu myit nawn la nga myit dai, rai ti mung nanhte hpe hkan shachyut ai ni gaw grau nna lawan na mara ai!

ESAIA 30:5

Yuda amyu masha ni gaw karum la lam a matu shanhte myit mada nga ma yang, shanhte galoi mung akam nga ai amyu baw gaw n mai kam hpa sai, shanhte hpe karum la na lam n jaw lu sai amyu baw rai nga sai majaw lahpawt dum wa na mara ai.”

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 39:3

Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

ESAIA 5:14

Katsan ga gaw shanhte a matu hpang gara nga ai rai nna shi a n-gup hpaw mahka da nga ai. Dai gaw Yerusalem na arawng lu ai du magam ni hte rau garu gachyi nga ai yu maya masha wunawng ni hpe mayu sha nga ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

YEREMIA 22:7

Dai hpe shamyit kau na matu, ngai gaw masha ni hpe dat dat na nngai. Shanhte yawng gaw ningwa ni lang nna tsawm ai arit hpun nu ni hpe kran nhtawm wan hta kabai bang kau na mara ai.

YEREMIA 4:30

Yerusalem e, nang gaw hten run mat nit hka! Nang gaw hpa majaw hkyeng mang ai hpun palawng hpun n ta? Nang gaw hpa majaw ja rai sumli nna na a myi ni hpe tsi chya shatsawm da wu ni? Nang gaw na a hkum hpe kaman lila a matu shatsawm nga ndai! Na a sumtsaw ni nang hpe ningdang kau manu ai, nang hpe sat kau mayu ma ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 9:9

Ngai gaw ndai amu ni a majaw shanhte hpe ari n jaw na rai nga a ni? Ngai gaw ndai zawn re ai amyu baw hpe matai n dawk na rai nga a ni? Dai Madu ngai nan tsun ni ai,” ngu nna tsun ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 9:5

Ya dai Madu hpe shagrau sha-a na, san tawn da ai lusha poi a matu aten du jang, shanhte kaning rai galaw na rai ma ta?

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

LUKA 19:44

Shanhte gaw nang hpe mung, na a bunghku ni a kata e rawng nga ai masha ni hpe atsai awai jahten kau ai nhtoi gaw nang kaw pru na ra ai rai nna, nang hta nlung langai mi a ntsa e langai mi pyi n mara ngam nga lu hkra rai na ra ai. Hpa majaw nga yang, nang gaw Karai Kasang nang hpe hkye la na matu du sa ai aten hpe n dum n chye ndai,” ngu wu ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.