ESAIA 10:29 - Jinghpaw Common Language Bible 2009

²⁹ Shanhte gaw bum lam hku ga lai wa nna, Geba mare e lana mi nga shalai kau ma hka! Rama mare hta nga ai masha ni gaw hkrit kajawng nga ma ai, Hkawhkam Shawlu a daidaw buga Gibea e nga ai masha ni mung hprawng mat nga masai.

Jinghpaw Hanson Version Bible

²⁹ bum lapran hku lai masai; Geba mare e but nga ma ai; Rama mare hkrit kajawng nga ai; Shawlu a mare Gibea hprawng nga ai;

ESAIA 10:29 ပူးပေါင်းရင်းမြစ်များ

1 HKAWHKAM 15:23

Hkawhkam Asa galaw nu ai lam magup ngu na shi a share shagan ai amu ni a lam hte shi gaw de da ai mare ni a lam yawng mayawng hpe Yuda Hkawhkam ni a Labau Laika hta ka matsing da nga ai. Rai ti mung shi asak kaba wa jang lagaw ana a majaw hten htu mat wu ai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

HOSEA 10:9

Dai Madu gaw, “Israela amyu masha ni gaw Gibea mare hta shanhte yubak galaw shut ai aten kaw nna, ngai hpe shut hpyit ai lam n jahkring da ma ai. Gibea mare hta byin ai majan gaw shanhte hpe hkan dep nang na ra ai.

HOSEA 5:8

Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

YAWSHU 21:17

Benyamin a lamu ga hta na Gibeon, Geba,

1 SAMUELA 10:26

Shawlu mung Gibea mare na shi a nta de bai wa wu ai. Karai Kasang e shanhte a myit masin hpe ahtawk jahkra ya nu ai dai daru magam n-gun rawng ai masha nkau mi mung shi kaw hkan nang ma ai.

1 SAMUELA 11:4

Shaloi kasa ni gaw Shawlu nga ai Gibea mare de du nna dai shiga tsun dat mu yang, amyu masha ni myit htum mat ai hte hkrap shajang ma ai.

1 SAMUELA 13:16

Shawlu, shi a kasha Yonahtan hte shanhte a masha ni gaw Benyamin a lamu ga na Geba mare hta dap jung ma ai; Hpilisti masha ni chyawm gaw Mikmasha shara e dap jung ma ai.

1 SAMUELA 13:23

Hpilisti masha ni gaw Mikmasha uhkan hpe makawp maga na matu hpyenla hpung mi hpe shangun dat wu ai.

1 SAMUELA 14:4

Yonahtan gaw Hpilisti dap de shang sa wa ai shaloi, Mikmasha uhkan lunghkrung masen kaba lahkawng nga nga ai, uhkan a maga mi hpe Boze ngu shamying nna kaga maga mi hpe Sene ngu shamying da nga ai.

1 SAMUELA 14:5

Langai mi gaw dingdung maga Mikmasha de man yawng nna, langai mi gaw dingda maga Geba de man yawng nga ai.

1 SAMUELA 15:34

Dai hpang, Samuela gaw Rama de wa nna, Shawlu mung Gibea na shi a dum nta de wa mat wa wu ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.