ESAIA 10:2 - Jinghpaw Common Language Bible 2009

² Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

Jinghpaw Hanson Version Bible

² n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

ESAIA 10:2 ပူးပေါင်းရင်းမြစ်များ

YOBA 31:16

Ngai gaw matsan mayan masha ni hpe galoi mung karum nngai; gaida gaina ni hpe mung galoi mung myit htum shangun ai n rai.

SHAKAWN KUNGDAWN 94:6

Shanhte gaw gaida jan ni hte jahkrai ma ni hpe sat nga ma ai hte, anhte a lamu ga hta nga ai tsasam manam ni hpe mung htau kau ma ai.

PRU MAT 23:6

“Matsan mayan wa tara rung hta amu pru yang, teng man ai tara hpe hkum nyet kau et.

GA SHAGAWP 22:22

Nang dang di lu ai a majaw, matsan mayan masha wa hpe zai hku nna hkum dip sha nga et; tara rung hta garen gari nni nkri hkrum sha nga ai wa hpe zai hku nna hkum dip sha et.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 5:23

Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 59:15

Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai Madu gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

YEREMIA 7:6

Malet nhprang manam, jahkrai nmai hte gaida gaina ni hpe zai hku adip arip hkum galaw et; Ndai lamu ga hta nga ai mara n kap ai masha ni hpe sat ai lam hkum galaw et. Kaga karai ni hpe nawku ai majaw nang jahten shaza kau ai n hkrum u ga, dai hpe tawn kau u.

SHARUNG SHAYAWT 3:35

Shi jaw ya ai ahkaw ahkang hpe anhte ndang kau nga ai hpe shi chye nga ai.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

AMO LAIKA (AMOS) 2:6

Dai Madu gaw, “Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.