ESAIA 10:14 - Jinghpaw Common Language Bible 2009

¹⁴ Mungkan ga na masha amyu baw ni gaw u tsip langai hte bung nga ai, ngai gaw udi ni hpe aloi sha hkan magawn la lu ai zawn shanhte a sut gan ni hpe magawn la nngai. Ngai hpe jahkrit shama na singkaw langai mi mung n kahprap lu nga ai, ngai marawn kyek bun na n-gup kadai n hpaw mahka lu nga ai!,” nga nna shakawng nga ai.

Jinghpaw Hanson Version Bible

¹⁴ U tsip mu ai zawn, nye a lata gaw amyu masha ni a aja gumhpraw hpe mu hkrup sai: kau da ai udi magawn la ai zawn, ngai gaw mungkan ting hpe magawn la nngai: singkaw shamu ai mung, n-gup mahka nna jawp ai mung, langai mi muk n nga ai,” nga ai.

ESAIA 10:14 ပူးပေါင်းရင်းမြစ်များ

2 HKAWHKAM LABAU 32:13

Nye a kaji kawa ni hte ngai gaw kaga amyu masha ni hpe kaning di kau ga nga ai lam nanhte n chye nga myit ni? Kaga amyu baw hta na kade a karai ni mung shanhte a masha ni hpe Asuri hkawseng wa a lata kaw nna hkye mawai la yu mu ni?

YOBA 31:25

nye a sut gan hta galoi mung gumrawng nngai n rai.

GA SHAGAWP 18:12

Kadai mung shagrit shanem ai myit n rawng ai rai yang, shagrau hkungga hkam la lu ai n rai; myit tsaw myit dap rawng ai masha ni gaw hten byak lam de sa wa nga ma ai.

ESAIA 37:25

Nang gaw maigan mung ni hkan hka htung ni htu nna hka lu lu ai hpe mung, na a hpyenla ni a lagaw ni hte Nila hka nu hpe kabye jahkraw ai hpe mung shakawng nga ndai.

ESAIA 5:8

Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

OBEDIA 1:4

Nang gaw na a dum nta hpe galang a utsip zawn tsaw ai shara hta galaw tawn da lu nna, dai gaw shagan ni a lapran e nga nga lu ai zawn rai tim, ngai nang hpe gang shayu kau na de ai.

NAHUM 2:9

Gumhpraw kashun la mu! Ja kashun la mu! Ndai mare gaw sut gan hte hpring nga ai!