ESAIA 10:13 - Jinghpaw Common Language Bible 2009

¹³ Asuri hkawseng wa gaw, “Ngai gaw dai lam yawng hpe ngai hkum nan galaw se ai. Ngai gaw n-gun ja ai hte hpaji rawng nna myit let nga nngai. Ngai gaw masha amyu ni a lamu ga jarit ni hpe sit kau nna shanhte kyem mahkawng da ai arung arai ni hpe kashun la ni ai. Dai shara hkan shanu nga ai amyu masha ni hpe dumsu usu langai zawn kabye anut kau ni ai.

Jinghpaw Hanson Version Bible

¹³ Kaning rai nme law, shi gaw, “Nye a lata a n-gun, nye a hpaji hte, ndai ngai galaw se ai; ngai mahtang nyan rawng nngai; masha amyu ni a lamu ga jarit ngai sit kau nna, shanhte a arung arai hpe ngai kashun la nngai; share ninghkrin wa zawn, tingnyang hta dung ai ni hpe ngai shayu kau nngai.

ESAIA 10:13 ပူးပေါင်းရင်းမြစ်များ

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 16:8

Ahaza gaw Nawku Htingnu na ja gumhpraw hte hkawhkam htingnu na sut rai ni hpe la nhtawm hkawseng wa hpang de kumhpa shagun dat ya wu ai.

2 HKAWHKAM 17:24

Asuri hkawseng gaw Babelon, Hkuhta, Awa, Hamat hte Sehparim masha ni hpe woi la nna, bawng dung hkrum ai Israela masha ni a malai Samari mare ni hta shanhte hpe nga shangun ma ai. Shanhte gaw dai mare ni hpe madu la nna dai yang e nga nga ma ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM 18:11

Asuri hkawseng wa gaw Israela masha ni hpe bawng masha hku rim mat wa nhtawm shanhte hta na nkau mi hpe Hala mare, nkau mi hpe Gozan ginwang na Habora hka makau hte nkau mi hpe Medi mare ni hta nga shangun nga ai.

2 HKAWHKAM 18:15

Hezekia mung Nawku Htingnu kata hte hkawhkam htingnu sut dum na gumhpraw yawng hpe shagun ya wu ai;

1 HKAWHKAM LABAU 5:26

Dai rai nna Karai Kasang gaw Asuri Hkawseng Pula (shi hpe Tiglat Pilesa ngu nna mung tsun ai) hpe shanhte a mungdan de shang gasat shangun wu ai. Shi gaw Rubin, Gad hte sinpraw maga de na Manashe amyu bawsang ni hpe gau mat wa nhtawm Hala, Habora, Hara hte Gozan hka kau hkan e shanhte hpe tut nawng nga shangun nga ai.

GA SHAGAWP 28:11

Sut su ai ni gaw shanhte hta hpaji rawng nga ga ai nga nna tut e myit la nga ma ti mung, masha a akyang hpe chye ai matsan mayan masha wa gaw dai hpe grau chye na nga ai.

ESAIA 10:8

Shi gaw, “Nye a hpyen du shagu hte gaw hkawhkam rai masai!

ESAIA 5:21

Nang gaw dingnye hkrum nga ndai! Nang gaw hpaji rawng ai wa, grai ram dum ai wa hku nna nang myit nawn la nga ndai.

YEREMIA 46:8

Dai gaw Egutu mung rai nna, Nila hka nu zawn tung rawt wa nhtawm, hka nu hpungtun zawn de a hkin-gau ni hpe lip kau nga ai. Egutu gaw, ‘Ngai rawt wa nna mungkan ga hpe ka-up kau na nngai; Ngai gaw mare ni hte dai hta shanu nga ai mare masha ni hpe shaza kau na nngai.

YEREMIA 48:14

“Moba lasha ni e, nanhte gaw share shagan ai ni, majan hta chyam hkrum ai magrau grang ai hpyenla ni rai ga ai ngu kaning rai tsun lu na rai ta?

EZEKELA 25:3

Tsaw Htum ai dai Madu ngai nan tsun nga ai mungga madat na matu shanhte hpe tsun u: Nang gaw awu asin di kau hkrup sai nye a Nawku Htingnu hpe mung, shingran katsi mat sai Israela mungdan hpe mung, bawng dung hkrum ai Yuda amyu masha ni hpe mung, yu kabu ai hte yu sharawng nga nit dai majaw,

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

AMO LAIKA (AMOS) 5:27

ngai nanhte hpe Damasku mare tawt hkra bawng dung sa shangun na nngai,” nga nna Chyahtum Chyalai N-gun Rawng Ai Karai Kasang ngu ai amying shingteng lu ai dai Madu tsun ai.

AMO LAIKA (AMOS) 6:13

Nanhte gaw Lodeba mare hpe gasat la lu ai majaw shakawng nga myit dai. Nanhte gaw, “Karnaim hpe lu la na matu n-gun law nga ga ai,” nga nna gumrawng myit dai.

HABAKU 1:11

Dai hpang, shanhte gaw nbung zawn poi mat wa nna hkoi mat ma ai. Ndai masha ni a daru magam n-gun gaw shanhte a karai rai nga ai,” ngu nna tsun nu ai.

HABAKU 1:16

Shanhte gaw shanhte a sumgawn ni hpe pyi nawku ai hte dai ni hpe shagu hkungga nawng ya ma ai, hpa majaw nga yang shanhte a sumgawn ni gaw kaja htum ai arung arai shagu hte shanhte hpe madi shadaw nga ai.

HABAKU 2:6

Padang dip hkrum ai masha ni gaw padang ninglaw lu ai ni hpe ashu kau nna, shanhte hpe jahpoi asawng kau na mara ai. Shanhte gaw, “Na a n rai ai hpe nang la ndai, rai ti mung nang dingnye hkrum nga ndai! Nanhte gaw hka hpyi shagyeng ai hku nna galoi du hkra sut su nga na ngu nga myit ni?,” ngu nna tsun ma ai.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

TARA AGYI 7:2

Dai Madu gaw Gidon hpe, “Nang hta nga ai masha ni gaw nye a matu nau wa law nga ai majaw Midian masha ni hpe shanhte a lata hta n ap ya lu na nngai; shanhte a majaw sha dang kau lu ga ai nga, myit nawn la nna nye a arawng sadang hpe jahpoi ya na rai ma ai.