ESAIA 10:12 - Jinghpaw Common Language Bible 2009

¹² Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

Jinghpaw Hanson Version Bible

¹² Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

ESAIA 10:12 ပူးပေါင်းရင်းမြစ်များ

2 HKAWHKAM 19:31

Yerusalem mare hte Ziun Bum ntsa hta e naw ngam nga ai amyu masha ni gaw dai shara hta prawn wa na mara ai. Hpa majaw nga yang, dai Madu gaw ndai lam hpe shabyin na matu daw dan nga sai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

SHAKAWN KUNGDAWN 21:10

Shanhte a matu mara ni langai mi mung hkrung nga lu na mara ai n rai; hkawhkam wa mung shanhte yawng hte hpe sat kau na ra ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

SHAKAWN KUNGDAWN 76:5

Shanhte a share shagan ai hpyenla ni gaw shanhte lu ai arai yawng raw sharun la kau ai hkrum ma ai; ya, shanhte si kadawng taw nga masai. Shanhte a n-gun hte kung kyang ai lam yawng hte mung kaman lila sha rai mat manu ai.

GA SHAGAWP 21:4

Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

ESAIA 27:7

Dai Madu gaw shanhte a gumlau hpyen ni hpe laja lana ari jaw ai hte sat kau ai daram Israela amyu masha ni hpe ari jaw nna sat ai n rai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

ESAIA 5:15

Masha shagu hte gaw sari jahpoi hkrum na mara ai, gumrawng gumtawng ai ni yawng hte gaw shagrit kau hkrum na mara ai.

ESAIA 50:11

Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

ESAIA 65:7

shanhte a kaji kawa ni a yubak ni a matu chyawm gaw shanhte hpe bai htang jaw na nngai. Shanhte gaw tara maigan masha ni a kawng ntsa na nawku shara ni hta manam pyaw ai baw nat nna ngai hpe n shawp ai ga tsun ma ai. Dai re ai majaw, lai sai aten na shanhte a arawn alai hte maren, shanhte hpe ngai ari jaw na we ai.”

ESAIA 9:9

Israela amyu masha ni yawng hte Samari mare hta shanu nga ai masha hkum shagu hte gaw shi galaw dan sai ndai amu hpe chye wa na mara ai. Ya chyawm gaw, shanhte gumrawng gumtawng ai hte myit tsaw myit dap nga ma ai. Shanhte gaw,

YEREMIA 25:29

Nye a mare hta jahten sharun ai amu hpe ngai shawng hpang dat na nngai. Shanhte gaw ari jaw ai n hkrum na ga ai nga nna shanhte myit nawn nga ma ni? N rai law, ngai gaw ga ntsa ting hta nga ai masha amyu baw ni yawng a ntsa e hpyen majan shabyin dat na rai nga nngai majaw, shanhte mung ari hkrum sha na mara ai. Chyahtum Chyalai N-gun Rawng ai dai Madu ngai nan tsun ni ai.

YEREMIA 50:18

Dai lam a majaw, Chyahtum Chyalai N-gun rawng ai dai Madu Israela a Karai Kasang ngai gaw Asuri hkawseng wa hpe ari jaw sai zawn, Hkawhkam Nebuhkadneza hte shi a mungdan hpe ari jaw na nngai.

YEREMIA 50:32

Na a myit tsaw myit dap ai amyu gaw ahtu kataw na ra ai; nang hpe sharawt la na matu kadai mung karum la na ra ai n rai. Ngai gaw na a mare ni hpe nat kau ya na nngai; grup yin hkan nga ai arai yawng mayawng mung hten za mat na ra ai,” nga ai.

EZEKELA 31:10

“Dai rai nna, Tsaw Htum ai dai Madu ngai nan sumwi dep hkra tu kaba wa sai hpun hta hpa byin wa na lam, nang hpe tsun dan na we ai. Dai hpun grau tsaw lung wa magang gumrawng gumtawng ai mung grau jat wa rai nga ai;

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

MAHTE 12:33

“Kaja ai asi lu na matu kaja ai hpun hkai ra ai. N kaja ai hpun gaw n kaja ai asi si na ra ai. Asi hpe yu nna hpun hpe chye ginhka lu nga ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

TARA JAHPRANG 32:27

Rai ti mung shanhte a gumlau hpyen ni nye a masha ni hpe dang kau ma ai shaloi, shanhte lu galaw ai ngu nna shanhte a shakawng shakat gumrawng na lam hpe ngai ahkang n lu jaw nngai; shanhte hpe ngai hkum nan agrawp kau nngai.’

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?