ESAIA 10:1 - Jinghpaw Common Language Bible 2009

¹ Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

Jinghpaw Hanson Version Bible

¹ Matsan mayan ni hpe sum shangun nna, nni nkri hkrum ai, nye a amyu masha ni hpe, map sha maw sha ai hte, gaida gaina ni hpe lanep shatai let, chyahkrai nmai ma ni a sutgan kashun la lu hkra,

ESAIA 10:1 ပူးပေါင်းရင်းမြစ်များ

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

SHAKAWN KUNGDAWN 58:2

N rai law! Nang galaw lu na n tara ai lam hpe chyu sha nang myit nga ndai; ga ntsa na kashun kashe du daw sai hkaw ai amu ni hpe nanhte shut hpyit tawt lai nga myit dai.

PRU MAT 23:3

Matsan mayan wa shi a amu tara jeyang ai hta myi man tau ya ai lam hkum madun et.

PRU MAT 23:6

“Matsan mayan wa tara rung hta amu pru yang, teng man ai tara hpe hkum nyet kau et.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 5:11

Nanhte gaw dingnye hkrum nga myit dai! Nang gaw jahpawt manap jau jau rawt nna chyaru lu hpang ai hte, shana du hkra chyaru nang let aten shama hkawm nga ndai.

ESAIA 5:18

Nang gaw dingnye hkrum nga ndai! Nang gaw na a yubak kaw nna n lawt lu nga ndai.

ESAIA 5:23

Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

ESAIA 5:8

Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 22:13

Shi a nta hpe n teng n man ai hku gaw gap ai hte dai hpe n ding n man ai hku htawn jat nhtawm mare masha ni hpe kaman sha amu galaw shangun let shanhte lu la ang ai manu jahpu n jaw hkraw ai wa gaw, dingnye hkrum nga ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

MIHKA 6:16

Hkawhkam Omri hte shi a kasha Hkawhkam Ahab ni a n hkru ai amu ni hta nang hkan galaw nga ndai majaw ndai lam byin wa na ra ai. Nang gaw shanhte a myit masa hta matut nna hkan nang nga ai majaw ngai nang hpe jahten kau na nngai; masha hkum shagu nang hpe asawng asang di kau na mara ai. Shara shagu hkan na amyu masha ni gaw nang hpe n kaw n law matsat kau na mara ai,” ngu nna tsun ai.

HABAKU 2:12

Nanhte gaw dingnye hkrum nga myit dai! Nanhte gaw mare hpe ru hka amu hta npawt de da nga myit dai; ru hka amu hte dai mare hpe gaw sharawt da nga myit dai.

HABAKU 2:15

Nanhte gaw dingnye hkrum nga myit dai! Nanhte gaw tinang masin kahtet ai hta htingbu ni hpe kaya kahpa jahkrum nna sari jahpoi kau ya nga myit dai; nanhte gaw shanhte hpe chyaru nang ai ni zawn ndi nda di kau nga myit dai.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.

HABAKU 2:6

Padang dip hkrum ai masha ni gaw padang ninglaw lu ai ni hpe ashu kau nna, shanhte hpe jahpoi asawng kau na mara ai. Shanhte gaw, “Na a n rai ai hpe nang la ndai, rai ti mung nang dingnye hkrum nga ndai! Nanhte gaw hka hpyi shagyeng ai hku nna galoi du hkra sut su nga na ngu nga myit ni?,” ngu nna tsun ma ai.

HABAKU 2:9

Nanhte gaw dingnye hkrum nga myit dai! Nanhte gaw tinang a dinghku hpe kashun kashe du daw sai hkaw amu shabyin nna la wa ai sut gan hte mung, nanhte a dinghku hpe machyi hkra shangun ai hte hkrit tsang shara kaw na shim hkra nga pyaw shangun ai hte mung sut su shangun nga myit hka!

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 23:23

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.

MAHTE 23:27

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw namhtun hpraw chya ai lup hte bung nga myit dai; dai ni gaw shinggan de tsawm dam ti mung, kata de n ra hte mang chyayat ni hte hpring nga ai.

MAHTE 23:29

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw myihtoi ni a lup ni hpe gaw shatsawm da mu ai hte ding hpring ai ni a lup jarawp ni hpe mawn ya nhtawm,

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

YAWHAN 19:6

Hkinjawng agyi ni hte Nawku Htingnu sin ai hpyen ma ni Yesu hpe mu jang, “Wudang hta jen da u! Jen da u!,” nga nna jahtau ma ai. Shaloi Pilat gaw, “Nanhte nan shi hpe la nna jen da mu, ngai gaw shi hta hpa mara mung n mu nngai,” ngu nna shanhte hpe tsun mu ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.