ESAIA 1:9 - Jinghpaw Common Language Bible 2009

⁹ Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

Jinghpaw Hanson Version Bible

⁹ Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 1:9 ပူးပေါင်းရင်းမြစ်များ

NINGPAWT NINGHPANG 18:26

Dai Madu gaw, “Sodom mare hta mara n kap ai masha manga shi hpe ngai mu ai rai yang shanhte a majaw mare ting hpe ngai ngam da na we ai,” ngu nna htan wu ai.

NINGPAWT NINGHPANG 18:32

Abraham mung, “Madu e chyeju hte masin hkum pawt et, ndai lang mi sha gaw ngai naw tsun we ga. Marai shi hpe mu ai rai yang, kaning di na wu ni?,” ngu nna tsun wu ai. Shi chyawm gaw, “Dai yang e marai shi nga ai rai yang, dai mare hpe ngai jahten kau na we ai n rai,” ngu nna tsun wu ai.

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

1 HKAWHKAM 19:18

Rai ti mung, Bala hpe n gum dagup ai hte shi a hpara sumla hpe n pup ai sha ngai hta sadi dung nga ai ni yawng ngu na Israela mung na amyu masha hkying sanit hpe ngai naw jahkrung da we ai,” ngu nna tsun wu ai.

2 HKAWHKAM 19:4

Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 17:6

Israela gaw tsanlun hpun na asi yawng di la ngut ai hpang, hpun ndung e lahkawng masum sha hte hpun lakung ni a npu hkan loi li mi naw ngam nga ai zawn loi sha mi re ai amyu masha ni chyu sha asak hkrung nga na mara ai. Dai Madu Israela a Karai Kasang Ngai nan tsun ni ai,” ngu nna tsun ai.

ESAIA 24:13

Ndai gaw mungkan ga ting hta nga ai amyu baw shagu ni hta byin wa na lam rai nga ai. Dai gaw tsanlun hpun shagu na asi ni hpe kayat jahkrat kau ai hte sabyi di ai hpang nlim gut la ai zawn mung mangai a ahpang jahtum aten na zawn mung tai na ra ai.

ESAIA 24:6

Dai rai nna, Karai Kasang gaw ginding aga hpe dagam ga tsun nu ai. Dai hta shanu nga ai amyu masha ni gaw shanhte galaw kau sai amu a matu shabrai jaw ya nga ma ai. Naw hkrung ngam nga ai ni gaw n law hta n law mat wa na mara ai.

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 46:3

“Yaku a aru arat ni, nye a amyu masha kaw na naw ngam nga ai ni yawng hte e, nye a ga madat mu. Ngai gaw nanhte hpe nanhte shangai wa ai shani kaw nna bau maka wa ni ai.

ESAIA 6:13

Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

ESAIA 65:8

Dai Madu gaw, “Kadai mung kaja ai sabyi si ni hpe n jahten ma ai, shing di na malai, shanhte gaw dai ni hte sabyi ntsin galaw ma ai. Ngai gaw nye a amyu masha ni yawng hpe jahten kau na n rai-ngai hpe daw jau ai ni hpe ngai hkye hkrang la na nngai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

SHARUNG SHAYAWT 4:6

Karai Kasang a lata hta akajawng sha hkrat sum mat ai Sodom mare masha ni a yubak hta, nye a amyu masha ni hkrum sha ai ari gaw grau nna pyi kaba nga ai.

EZEKELA 14:22

Marai langai ngai asak naw hkrung nga nna shi a kashu kasha ni hpe hkye mawai la nhtawm nanhte hpang de du sa wa ai rai yang, shanhte hpe mada yu mu; shanhte kade n hkru nga ai hpe yu yu mu, dai hpe yu yu yang, Israela mare a ntsa e ngai shapraw ai tsin-yam tsindam ari jaw ai lam rap ra nga ai hpe chye na hkawn hkrang nga mu;

EZEKELA 6:8

“Ngai gaw nkau mi hpe sat sharu kau ai kaw na shalawt nna, masha amyu baw ni a lapran e shabra kau ai hte,

YOELA 2:32

Rai ti mung, karum la na matu dai Madu hpe hpyi jahtau ai ni yawng hkye hkrang la hkrum na mara ai. Dai Madu tsun da sai hte maren, ‘Yerusalem mare na nkau mi lawt lu na mara ai; dai ni gaw ngai lata san da hkrum ai ni rai nna hkrung nga lu na mara ai,’”

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

ZEHPANI 2:9

Ngai gaw ahkrung nga ai dai Madu Israela a Karai Kasang teng teng rai nga nngai hte maren, Moba hte Amon mungdan yan gaw Sodom hte Gomora mare zawn jahten kau hkrum na mara ai gaw ngai dagam da se ai. Shanhte gaw jum nhkun hte htani htana katsi katsang shara tai mat nna nam hkrai shim rai na ra ai. Nye a amyu masha ni kaw na naw ngam nga ai ni gaw shanhte hpe kashun kashe hpya sha nna shanhte a lamu ga ni hpe la kau ya na mara ai,” ngu nna tsun wu ai.

MAHTE 7:14

Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

ROMA 9:27

Israela amyu a lam Esaia jahtau tsun ai gaw, “Israela kashu kasha ni gaw nammukdara makau na zaibru zawn law ma timung, shanhte hta na kau chyen chyu sha hkye hkrang la ai hkrum na mara ai.

ROMA 9:29

Dai hte maren, shawng e Esaia tsun da ai gaw, “Daru magam atsam rawng ai Karai Kasang a matu mara nkau mi hpe n ngam da taw gaw anhte gaw Sodom zawn tai nna Gomora hte bung na ga ai,” nga ai.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.

2 PETRU 2:6

Karai Kasang gaw Sodom hte Gomora mare yan hpe mung wan hte jahten shabya kau nna tara n hkan ai ni hta kaning rai wa na ra ai lam kasi langai mi galaw da nu ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.