ESAIA 1:8 - Jinghpaw Common Language Bible 2009

⁸ Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

Jinghpaw Hanson Version Bible

⁸ Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 1:8 ပူးပေါင်းရင်းမြစ်များ

YOBA 27:18

N hkru ai ni gaw gindigram tsip hte bung ai nta ni hpe gap nna; dai gaw sun sin ai mayam wa a sun zawn rai na ra ai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 10:32

Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

ESAIA 29:3

Karai Kasang gaw dai mare hpe gasat na ra ai, dai mare grup yin e dap jung na ra ai, dai mare hpe wang tawn na ra ai.

ESAIA 30:17

Nanhte gumlau hpyenla langai mu ai shaloi, nanhte a masha hkying mi hprawng te mat wa na mara ai, hpyenla manga hte nanhte a masha yawng hpe jahtaw kau na matu ram na ra ai. Kawng pungding ntsa e dawnghkawn hta lai nna nanhte a hpyen luksuk hta hpa mung ngam nga na ra ai n rai.

ESAIA 37:22

dai Madu gaw, “Senahkerib e, Yerusalem mare gaw nang hpe mani ai hte mani asawng nga ai.

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 62:11

Dai Madu gaw ginding aga ting hpe ning ngu tsun ndau nga ai: “Dai Madu gaw nang hpe hkye la na matu du sa wa nga ai, Shi mawai la sai amyu masha ni hpe shi hte rau woi sa wa nga ai, ngu Yerusalem amyu masha ni hpe tsun mu.”

ESAIA 8:8

Shanhte gaw lahpa du hkra tsaw lung wa ai hka hpungla hte arai yawng mayawng hpe ka-up mat wa nna, Yuda mung hkren hkra ye magawn mat wa na mara ai,” nga nna tsun ai. Karai Kasang gaw anhte hte rau rai nga ai! Shi a kahpyan da ai singkaw ni hte dai mungdan hpe makawp maga nga ai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 6:2

Ziun mare gaw tsawm htap nga ai, rai ti mung hten za mat na ra ai;

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:6

Shi gaw anhte shi hpe nawku ai Nawku Htingnu shara hpe adaw atang di agrawp daw kau nu ai; Shi gaw dai chyoi pra ai nhtoi ni hte Bansa Nhtoi ni hpe mung jahtum kau nu ai. Hkawhkam wa hte hkinjawng wa mung shi a pawt sindawng ai n-gun hpe maren hkam sha manu ai.

ZEHKARIA 2:10

Dai Madu gaw, “Yerusalem mare masha ni e, kabu gara ai hte mahkawn mangoi mu! Nanhte a ka-ang e ngai shanu nga na nngai!,” ngu nna tsun wu ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

YAWHAN 12:15

“Ziun mare e hkum hkrit et! Yu u na a hkawhkam gaw, lawze kasha jawn nna du sa ra ai,” nga nna Chyum Laika hta ka da ai hte maren rai nga ai.