ESAIA 1:7 - Jinghpaw Common Language Bible 2009

⁷ Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

Jinghpaw Hanson Version Bible

⁷ Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 1:7 ပူးပေါင်းရင်းမြစ်များ

2 HKAWHKAM LABAU 28:5

Hkawhkam Ahaza yubak galaw wu ai majaw dai Madu shi a Karai Kasang gaw Suri hkawhkam hpe gasat dang shangun wu ai. Yuda bawng masha law law ni hpe Damasku mare de woi wa ma ai. Dai Madu mung Remalia a kasha Israela Hkawhkam Peka hpe Ahaza a ntsa awng dang shangun wu ai rai nna lani jan e sha magrau grang htum ai Yuda hpyenla 120,000 sat kau ma ai. Dai Madu shanhte a kaji kawa ni a Karai Kasang gaw ndai zawn byin shangun wu ai; hpa majaw nga yang, Yuda masha ni shi hpe kabai kau ai majaw rai nga ai.

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

SHAKAWN KUNGDAWN 107:39

Karai Kasang a amyu masha ni gaw gumshem dip gamyet sha hkrum ai hte nni nkri hkam sha nga ma ai; sum mat ai hte kaya kahpa hkrum sha nga ma ai shaloi,

SHAKAWN KUNGDAWN 109:11

Shi a hka madu ni shi a sut gan arung arai yawng hte hpe la kau ya nga mu ga; masha tsasam ni mung, shi galaw ai bungli akyu mahkra hte hpe hkam sha lu mu ga.

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 34:9

Edom mung na hka nu ni gaw katara zawn hkat mat nna ga sau gaw kan gale mat wa na ra ai. Mungdan ting gaw katara zawn hkru mat na ra ai.

ESAIA 49:19

“Na a mungdan gaw hten run nna katsi katsang shara tai mat sai, rai ti mung, ya chyawm gaw dai mungdan gaw dai shara hta sa shanu nga na ni a matu shara nau pyi kaji mat na ra ai. Nang hten run mat ai majaw kau da ai ni gaw nang kaw na htawt sit kau hkrum na mara ai.

ESAIA 5:17

Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

ESAIA 5:9

Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

ESAIA 9:18

Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YEREMIA 2:15

Shanhte gaw hkanghkyi ni zawn shi hpe shabam ma ai; shanhte gaw shi a mungdan hpe zaibru jang shatai kau ma ai, shi a mare ni gaw hten run taw mat nna tsep kawp kabai kau nga masai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 44:6

Dai rai nna, ngai gaw nye a pawt sindawng ai hte masin kahtet ai hpe Yuda mare ni a ntsa e mung, Yerusalem mare lam ni a ntsa hkan e mung ru jaw da ni ai, ngai gaw dai ni hpe wan jahkru kau ni ai. Dai shara ni gaw dai ni rai nga ai hte maren, shingran sharat katsi mat ai hte yu hkrit shara tai mat nga ai.

YEREMIA 6:8

Yerusalem amyu masha ni e, ndai ru yak tsin-yam tsindam ni gaw nang hpe sadi jaw ai lam tai u ga, shing n rai jang, ngai nang hpe kau da na nngai; ngai gaw na a mare hpe kadai mung n nga ai zaibru jang shatai kau na we ai,” ngu nna tsun ai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

SHARUNG SHAYAWT 5:2

Anhte a sut gan sali wunli gaw tsasam masha ni a lata de shang mat nna; maigan masha ni mung anhte a dum nta ni hkan e shanu nga ma ai.

EZEKELA 25:4

ngai gaw sinpraw nam mali hkan shanu nga ai amyu bawsang ni a lata de ap kau na we ai. Shanhte gaw na a mungdan hta dap ni jung nna, dai shara ni hta shanu nga na mara ai. Shanhte gaw nanhte kalang mi hkam la yu sai namsi namsaw ni sha nna nga chyu lu na mara ai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

JAW JAU 26:34

Dai hpang nanhte hpe bansa lam n jaw ya nga ai dai mung ga gaw tsep kawp bansa ai shaning ni hta kabu gara wa na ra ai; nanhte gaw nanhte a gumlau hpyen ni a mung ga hta nga nga myit dai shaloi dai mung gaw katsi katsang tai mat nna ban sa nga na ra ai.

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

MIHKA 6:13

Dai rai nna, na a yubak ni a majaw, nang hpe jahten sharun hpang na ngai lajang da ngut chyalu rai ni ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA JAHPRANG 28:43

“Nanhte a mungdan hta nga ai maigan masha ni mahtang daru magam n-gun grau grau rawng wa na mara ai; nanhte chyawm gaw angwi ngwi sha grit mat wa na marin dai.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.