ESAIA 1:6 - Jinghpaw Common Language Bible 2009

⁶ Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

Jinghpaw Hanson Version Bible

⁶ Lagaw lahpan kaw nna baw pungding du hkra, hkam kaja ai hpa mung n nga ai; nma hpye ai, hkala nba ai hte kayat ai hkang katsing hkrai rai nga ai: dai hpe mazang lu ai n rai; ahkang kayawp nga ai n rai; namman hte garai n shakya lu ai.

ESAIA 1:6 ပူးပေါင်းရင်းမြစ်များ

2 SAMUELA 14:25

Israela amyu hta Absalom zawn ahpraw tsawm nna mying gumhkawng ai masha langai mi mung n nga nga ai. Shi gaw abaw kaw nna lagaw hkren ra rawng ai lam hpa mung n nga ai wa rai nga ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

SHAKAWN KUNGDAWN 77:2

Ngai gaw Ru tsang hkrum ai aten ni hta, Madu hpe akyu hpyi nngai; shana tup ngai gaw nye a lata ni hpe sharawt nna akyu hpyi ai, rai ti mung, shalan shabran ai lam hpe ngai n mu lu nngai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

YEREMIA 30:12

Dai Madu gaw shi a amyu masha ni hpe, “Nanhte a ningma ni gaw tsi la n lu nga ai, nanhte machyi hkrum ai nma ni shamai shatsai la lu nga ai n rai.

YEREMIA 30:15

Nanhte a machyi nma ni hte seng nna hpa mung aput angun hkum rai myit; nanhte a matu tsi tsi ya na hpa mung n nga nga ai. Nanhte a yubak mara ni law nga ai hte nanhte galaw ai n hkru ai amu kaba nga malit dai majaw, dai zawn ngai nanhte hpe ari jaw nngai.

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 6:7

Hka htung gaw dai kaw na mu ai hka shapraw ya ai zawn, Yerusalem shi a n hkru ai amu hpe shapraw nga ai. Ngai gaw dai mare na kashun kashe du daw sai hkaw amu hte jahten shaza lam hpe na nngai; machyi makaw hte hkala nba lam yawng hpe mung ngai mu nngai.

NAHUM 3:19

Na a hkala nba ningma ni hpe tsi tsi lajang ya na, kadai n nga nga ai; na a ningma ni hpe n lu tsi shamai nga ai. Na a hkrat sum mat sai shiga na ai masha yawng hte gaw kabu gara lahpawk dum na mara ai; na a n htum mai ai zingri zingrat ai kaw na kadai wa hprawng lawt lu yu nga sata?

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 9:12

Shi gaw dai ga na jang, “Hkam kaja ai ni tsi sara n ra ma ai; machyi ai ni sha ra ma ai.

LUKA 10:34

Shi a nma ni hta, namman hte sabyi ru bun nhtawm, ahkyen kayawp wu ai. Shi a lawze hta mung, dai wa hpe shajawn nhtawm manam nta langai mi de lakawn wa nna, gawn lajang ya wu ai.