ESAIA 1:3 - Jinghpaw Common Language Bible 2009

³ Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

Jinghpaw Hanson Version Bible

³ Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

ESAIA 1:3 ပူးပေါင်းရင်းမြစ်များ

SHAKAWN KUNGDAWN 94:8

Nye a amyu masha ni e, nanhte gaw kaning rai nna hpaji n rawng ai hte angawk angak rai mayu nga myit ni? Galoi mi she, sharin hkam la na ngu nga myit ni?

GA SHAGAWP 28:5

N hkru n shawp ai masha ni gaw teng man ai tara hpe n chye nga ma ti mung, Madu hpe nawku daw jau ai ni gaw dai hpe atsawm sha chye na nga ma ai.

GA SHAGAWP 6:6

Lagawn ai masha ni gaw kagyin ni a sat lawat hpe sharin la na mai ang nga ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 42:20

Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

YEREMIA 10:14

Ndai zawn mu mada ai amu ni hta, amyu masha ni gaw myit n su ai hte nyan tang ai hku hkam sha ma ai; hpara sumla galaw ai ni gaw mak mat nga ma ai; hpa majaw nga yang, shanhte galaw ai karai ni gaw n teng n man ai hte nsoi nsa n rawng nga ai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 35:16

Yonadab aru arat ni gaw shanhte a kaji kawa ni hkang da ai matsun maroi ga ni hpe hkan shatup madat mara ma ai, rai ti mung, nanhte amyu masha ni gaw nye a ga hpe n madat n mara nga myit dai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

YEREMIA 50:6

“Nye a amyu masha ni gaw sagu rem ai ni shanhte a sagu ni hpe bum ga hkan dat shadam kau ai ni zawn rai nga masai. Sagu ni gaw shanhte a sagu lawng ni hpe malap kau nna bum shara mi kaw nna shara mi de kahkrang nga ma ai zawn, shanhte mung kahkrang jawt hkawm nga masai.

YEREMIA 8:7

Mali tau u ni pyi bai pyen nhtang wa na aten hpe chye ma ai; hkrudu, pilan hte u kawp ni gaw htawt hkawm na aten hpe chye ma ai. Rai ti mung, nye a amyu masha ni e, ngai nang hpe up hkang ai tara ni hpe pyi nang n chye ndai.

EZEKELA 16:30

Ndai gaw Tsaw Htum ai dai Madu tsun nga ai mungga rai nga ai: “Nang gaw kaya n chye ai shawa num zawn, ndai amu yawng mayawng hpe galaw nit dai.

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

2 PETRU 3:5

Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,