ESAIA 1:29 - Jinghpaw Common Language Bible 2009

²⁹ Nanhte gaw nanhte galoi mung nawku yu sai hpun ni hte chyoi pra ai sun ni hta hpun hkai da nga myit dai majaw yawn hkyen hkrum na marin dai.

Jinghpaw Hanson Version Bible

²⁹ Kaning rai nme law, nanhte ra yu ai wamyi hpun ni a majaw, shanhte kaya dum nna, nanhte lata la ai sun ni a majaw, myi man sum mat na marin dai.

ESAIA 1:29 ပူးပေါင်းရင်းမြစ်များ

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 31:7

Ja gumhpraw hte nanhte galaw ai yubak kap ai hpara sumla ni hpe nanhte yawng kabai kau na ra ai aten du wa nga ai.

ESAIA 42:17

Hpara sumla ni hpe kam hpa ai ni yawng hte shanhte jaw tawn ai karai ni hpe shaga ai ni gaw shagrit kau ai hkrum nna kaya kahpa hkrum na mara ai,” ngu nna tsun wu ai.

ESAIA 45:16

Hpara sumla tawk ai ni yawng hte gaw kaya kahpa hkrum na mara ai; shanhte yawng hte gaw jahpoi jahpyak ai hkrum na mara ai.

ESAIA 57:5

Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

ESAIA 65:3

Shanhte gaw kaya n chye ai sha ngai hpe masin sha a shapawt nga ma ai. Shanhte gaw chyoi pra ai sun ni hta tara maigan ni a shagu hkungga ni nawng jau nna, tara maigan ni a tawn hkungri ntsa hkan e manam pyaw ai baw nat ma ai.

ESAIA 66:17

Dai Madu gaw, “Tara maigan sumla nawku na matu shanhte hkum ni hpe jasan jaseng ai ni, chyoi pra ai sun ni de hkawm sa ai ni, wa shan, yu shan hte kaga matsat shabat re ai malu masha ni hpe lu sha nga ai ni a jahtum aten gaw ni wa ra ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 3:6

Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

EZEKELA 6:13

Tawn hkungri ni a grup yin hte hpara sumla ni a lapran e mung, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, kaba hkung ai wamyi hpun shagu a npu hta e mung, shanhte a hpara sumla ni hpe shagu hkungga nat nawng ya ai shara shagu hkan e mung, shanhte a moi mang ni ayai taw nga na mara ai. Dai hpang masha shagu hte gaw Ngai nan dai Madu rai nga nngai hpe chye wa na mara ai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

HOSEA 4:13

Shanhte gaw bum pungding ntsa na chyoi pra ai shara ni hta shagu hkungga ni nawng ya nhtawm, kawng ntsa ni hte shingnip grai tsawm ai hpun kaba npu hkan manam pyaw ai baw nat nga ma hka! “Dai lam a majaw nanhte a shayi sha ni shawa num tai nna, nanhte a kanam ni la shaw ai amu galaw ma ai.

HOSEA 4:19

Shanhte gaw nbung e shapoi kau ai hkrum nna shanhte galaw ai tara maigan shagu hkungga ni a majaw kaya kahpa hkrum na mara ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.