ESAIA 1:28 - Jinghpaw Common Language Bible 2009

²⁸ Rai ti mung shi gaw yubak mara galaw ai masha hkum shagu hte shi hpe gumlau ai ni hpe agrawp mani kau na ra ai. Shi gaw shi hpe kau tawn da ai masha shagu hte hpe sat kau na ra ai.

Jinghpaw Hanson Version Bible

²⁸ Gumle gumlau re ai ni hte yubak galaw ai ni chyawm gaw, rau hten byak hkrum nna, Yehowa hpe kau da ai ni htum mat na mara ai.

ESAIA 1:28 ပူးပေါင်းရင်းမြစ်များ

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 21:10

Edom mung gaw Yuda a up hkang ai npu kaw nna shanglawt lu la masai. Yehoram gaw dai Madu shi a kaji kawa ni a Karai Kasang hpe kau da wu ai majaw Libna mare mung shi hpe gumlau nga ai.

2 HKAWHKAM LABAU 28:23

Shi gaw shi hpe gasat dang kau ai Suri masha ni a karai ni hpe shagu hkungga ni nawng ya wu ai. Shi gaw, “Suri karai ni gaw Suri hkawhkam ni hpe karum ya nga ai; shanhte hpe ngai hkungga nawng ya ai rai yang, ngai hpe mung dai ni karum la mai na ma ai,” ngu nna tsun wu ai. Dai gaw shi a ntsa e mung, shi a mung hta mung tsin-yam tsindam shapraw dat ai amu rai nga ai.

YOBA 31:3

Shi gaw shut ai amu galaw ai ni hpe tsin-yam tsindam hte hten run lam dat dat ya nga ai.

YOBA 34:26

Shi gaw masha yawng mu lu ai shara hta yubak kap ai ni hpe ari jaw nga ai,

YOBA 34:27

hpa majaw nga yang shanhte gaw shi a hpang n hkan ai hte shi a hkang da ai ga yawng hpe hpa zawn n nawn ya mu ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 104:35

Yubak kap ai ni dinghta ga kaw nna shamyit kau ai hkrum nga mu ga; tara n lang ai ni hkoi mat mu ga. Nye a wenyi e, dai Madu hpe shakawn u! Dai Madu hpe shakawn nga u law!

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

SHAKAWN KUNGDAWN 37:38

rai ti mung, yubak kap ai masha ni gaw tsep kawp jahten kau ai hkrum na mara ai; shanhte a aru arat ni mung yeng seng kau ai hkrum nga ma ai.

SHAKAWN KUNGDAWN 5:6

Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

SHAKAWN KUNGDAWN 73:27

Nang hpe kau da ai ni gaw teng teng htum mat na mara ai; nang hta sadi n dung ai ni hpe Nang shamyit kau na rin dai.

SHAKAWN KUNGDAWN 9:5

Nang gaw tara maigan ni hpe daw dan nna, tara n lang ai ni hpe shamyit kau nit dai; shanhte hpe galoi mung dum sana n rai.

SHAKAWN KUNGDAWN 92:9

Na a gumlau hpyen ni si mat wa na mara ai hte; tara n lang ai ni yawng hte mung, sum mat ai hkrum na mara ai gaw, anhte chye nga ga ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 50:11

Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 66:17

Dai Madu gaw, “Tara maigan sumla nawku na matu shanhte hkum ni hpe jasan jaseng ai ni, chyoi pra ai sun ni de hkawm sa ai ni, wa shan, yu shan hte kaga matsat shabat re ai malu masha ni hpe lu sha nga ai ni a jahtum aten gaw ni wa ra ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

YEREMIA 44:12

Egutu mung hta shingbyi na matu myit daw dan nna sa shanu nga ai naw ngam nga ai Yuda masha ni a matu chyawm gaw shanhte yawng shamyit kau hkrum na mara ai hpe ngai mu lu na nngai. Egutu mung hta nga ai dai kaji ai kaw na kaba htum ai du hkra na shanhte yawng gaw hpyen majan hta mung, kawsi hpang gara ai hta mung, si htum mat na mara ai. Shanhte gaw yu hkrit hpa shara tai mat na mara ai, masha amyu baw ni shanhte hpe asawng asang di nna shanhte a amying hpe dagam dala matsa mawa ga tsun ai zawn lang na mara ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

2 PETRU 3:7

Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

1 SAMUELA 12:25

Rai ti mung nanhte yubak naw matut galaw myit yang gaw nanhte mung, nanhte a hkawhkam mung shamyit kau ai hkrum na marin dai,” ngu nna tsun wu ai.