ESAIA 1:23 - Jinghpaw Common Language Bible 2009

²³ Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

Jinghpaw Hanson Version Bible

²³ Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 1:23 ပူးပေါင်းရင်းမြစ်များ

2 HKAWHKAM LABAU 36:14

Dai hta kaga, Yuda ningbaw ni, hkinjawng ni hte amyu masha ni gaw shanhte a grup yin hkan nga nna hpara sumla ni hpe nawku ai masha amyu baw ni a yubak kasi hta hkan let, dai Madu shi nan shachyoi shapra da sai Nawku Htingnu hpe mung awu asin di kau ma ai.

PRU MAT 23:8

Mayun kumhpa hkap la mai na n rai, dai kumhpa a majaw, masha hpe ding man ai amu hta myi n mu shangun ai hte mara n kap ai ni a amu hpe sharun jahten kau ya nga ai.

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

GA SHAGAWP 29:24

Lagut wa a manang tai ai wa gaw tinang hkum a n kaja dik ai hpyen rai nga ai. Tara rung e, teng man ai sakse ga tsun yang, ari jaw ai hkrum na rai nna, n teng ai hku tsun yang mung, Karai Kasang dagam ai hkrum na ra ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 1:22

Yerusalem e, nang gaw lang mi gumhpraw zawn rai yu nit dai, rai ti mung ya chyawm gaw nang manu n dan mat nit dai; nang gaw jet ai sabyi ntsin zawn rai yu nit dai; rai ti mung ya chyawm gaw, nang gaw hka sha rai nga nit dai.

ESAIA 28:14

Ya chyawm gaw Yerusalem hta nga ai ndai amyu masha ni hpe up ai myit tsaw myit dap ai ningbaw ni e, dai Madu tsun nga ai ga hpe madat mu.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 33:15

Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.

ESAIA 5:23

Rai ti mung mayun kumhpa a majaw mara lu ai hpe nang shalawt dat nga ai, teng man rap ra ai lam lu la na matu, mara n kap ai wa hpe nang hkum shingdang da nga ndai.

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 32:32

Yuda mung hte Yerusalem mare na amyu masha ni gaw n hkru ai amu ni yawng hpe galaw mu ai majaw, shanhte hte hpawn shanhte a hkawhkam ni, mung up hkang ai du salang ni, hkinjawng ni, hte myihtoi ni hpe shamyit kau na matu ngai daw dan kau ni ai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 5:5

Ngai gaw daru magam n-gun rawng ai amyu masha ni kaw sa nna shanhte hte ga shaga na nngai. Shanhte gaw shanhte a Karai Kasang hpa hpyi ai hpe mung, dai Madu shanhte hpe hpa galaw shangun mayu ai hpe mung kaja wa n chye ma ai. Rai ti mung, shanhte yawng gaw dai Madu a ahkang aya hpe shinggan kau nna shi a ga madat na matu ningdang kau ma ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

HOSEA 4:18

Sabyi nang hkra lu ngut ai hpang, shanhte gaw shawa num amu galaw ai hpe ra sharawng ma ai, kaya kahpa amu galaw na ra nga ma ai.

HOSEA 5:10

Dai Madu gaw, “Yuda ningbaw ni gaw Israela hpe shang gasat nna shi kaw na lamu ga lagu ye la nga ma ai majaw ngai masin pawt nga nngai. Dai rai nna ngai gaw shanhte a ntsa e hka mawru zawn ari jahkrat bun na nngai.

HOSEA 9:15

Dai Madu gaw, “Shanhte galaw ai n hkru ai amu mahkra Gilgala mare kaw na hpang dat dat rai nga ai. Dai gaw shanhte ngai hpe dai yang e n dawng ai myit shawng rawng shangun nga masai. Shanhte galaw shut kau sai n hkru ai amu a majaw, nye a mungdan kaw nna shanhte hpe gawt shapraw kau na mawe ai. Shanhte hpe ngai galoi mung tsaw ra sana we ai n rai; shanhte a ningbaw ni yawng mung ngai hpe gumlau nga masai.

AMO LAIKA (AMOS) 5:12

Nanhte galaw shut kau ai yubak ni gaw kade sha hkrit hpa rai nga ai hte nanhte shut hpyit kau sai ru hka amu ni kade law la nga ai hpe ngai chye nngai. Nanhte gaw mai kaja ai masha ni hpe zingri zingrat di ai, mayun kumhpa ni la ai hte tara rung ni hta matsan masha ni hpe teng man rap ra ai hku n daw dan nga myit dai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 3:9

Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

MIHKA 7:3

Shanhte yawng hte gaw n hkru ai amu galaw ai lam hta grai kung kyang ai ni rai ma ai. Up hkang du salang ni hte tara agyi ni mayun kumhpa hpyi ma ai. Daru magam lu ai masha wa gaw shi hpa baw ra marit ai lam shanhte hpe tsun dan nga ai majaw shanhte gaw myit langai sha jawm myit shapraw ma ai.

ZEHKARIA 7:10

gaida gaina ni, jahkrai nmai ni, nanhte hta hkan nga nang nga ai maigan masha ni hte ra kadawn nga ai ni kadai hpe mung adip arip hkum rai myit; langai hte langai shada da machyi hkra shangun ai lam hkum maw myit.’

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

BU HKAWM 22:7

Moba hte Midian ningbaw ni gaw shanhte hte rau matsa ya na jahpu gun let Balam hpang de sa nhtawm Balak hkang dat ai ga shi hpe tsun dan ma ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

LUKA 19:46

shanhte hpe tsun da mu ai gaw, “Dai Chyum Laika ni hta mung, Karai Kasang gaw, ‘Nye a nta hpe akyu hpyi ai nta ngu nna shamying lu na rai nga ai,’ nga nna ka da nga ai. Rai ti mung nanhte gaw, ndai nta hpe damya lungpu shatai da myit dai,” ngu mu ai.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

1 SAMUELA 8:3

Rai ti mung shan gaw kawa a kasi hta n hkan ai sha, gumhpraw marin ai amu hta chyu sha myit lawm shajang ma ai; mayun kumhpa ni hpe shan hkap la ma ai majaw amu ni hpe teng man ai hku n daw dan ya lu ma ai.