ESAIA 1:22 - Jinghpaw Common Language Bible 2009

²² Yerusalem e, nang gaw lang mi gumhpraw zawn rai yu nit dai, rai ti mung ya chyawm gaw nang manu n dan mat nit dai; nang gaw jet ai sabyi ntsin zawn rai yu nit dai; rai ti mung ya chyawm gaw, nang gaw hka sha rai nga nit dai.

Jinghpaw Hanson Version Bible

²² Na a gumhpraw gaw, gumhpraw hkyi tai mat sai; na a tsabyi jahku jet gaw, ntsin hte kayau mat nga ai.

ESAIA 1:22 ပူးပေါင်းရင်းမြစ်များ

SHAKAWN KUNGDAWN 119:119

N hkru n hkra re ai ni yawng hte hpe maza mala hpe zawn, nang kabai kau nga ndai; ngai chyawm gaw na a sharin matsun ai ga ni hpe tsaw ra nga nngai.

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

HOSEA 4:18

Sabyi nang hkra lu ngut ai hpang, shanhte gaw shawa num amu galaw ai hpe ra sharawng ma ai, kaya kahpa amu galaw na ra nga ma ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.