ESAIA 1:21 - Jinghpaw Common Language Bible 2009

²¹ Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

Jinghpaw Hanson Version Bible

²¹ Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 1:21 ပူးပေါင်းရင်းမြစ်များ

2 SAMUELA 8:15

Dawi gaw Israela mung ting hpe up hkang nga ai rai nna shi a amyu masha ni hpe tut nawng teng man rap ra ai hku jeyang ya nga ai.

2 HKAWHKAM LABAU 19:9

Shanhte hpe ning ngu nna tsun matsun wu ai: “Nanhte a lit ni hpe dai Madu hpe hkrit kamyin ai myit hte galaw nga mu; nanhte galaw ai amu magup hta kangka ai hte shi a ga madat mara nga mu.

NEHEMIA 11:1

Ningbaw ni gaw Yerusalem hta nga nga ma ai, naw ngam ai amyu masha ni hta na marai shi hta na dinghku langai mi chyoi pra ai Yerusalem de sa nga nga na matu hte naw ngam nga ai ni kaga kahtawng mare ni hkan sa nga na lam hpaida da ma ai.

SHAKAWN KUNGDAWN 46:4

Karai Kasang a mare ngu ai, Tsaw Htum Ai Wa a chyoi pra ai nta hpe kabu gara shangun ai hka nu langai mi nga nga ai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 48:8

Karai Kasang hpa galaw dan sai amu hpe anhte mu lu sagaw ai; Chyahtum Chyalai n-gun rawng ai Madu anhte a Karai Kasang a mare hta, dai lam hpe anhte ya mu lu saga ai. Shi gaw dai mare hpe htani htana shim nga shangun na ra ai.

ESAIA 1:22

Yerusalem e, nang gaw lang mi gumhpraw zawn rai yu nit dai, rai ti mung ya chyawm gaw nang manu n dan mat nit dai; nang gaw jet ai sabyi ntsin zawn rai yu nit dai; rai ti mung ya chyawm gaw, nang gaw hka sha rai nga nit dai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 48:2

Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 59:14

Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

ESAIA 59:15

Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai Madu gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga: