ESAIA 1:18 - Jinghpaw Common Language Bible 2009

¹⁸ Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

Jinghpaw Hanson Version Bible

¹⁸ Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 1:18 ပူးပေါင်းရင်းမြစ်များ

YOBA 9:33

Rai ti mung an a lapran e htinglu ya ai wa kadai n nga; Karai Kasang hte ngai hpe tara jeyang ya na kadai n nga ai.

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

SHAKAWN KUNGDAWN 51:9

Nye a yubak ni hpe n mu lu u ga, na a myi ni hpe di da u; nye a n hkru n shawp ai lam yawng hte hpe arut kau ya e.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 3:13

Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

ESAIA 41:1

Karai Kasang gaw, “Sumtsan mungdan ni e, Atsin sha nga nna nye a ga madat mu! Tara rung hta na a amu shawn na matu shajin da u; nang gaw ga shaga lu na ahkaw ahkang lu na ra ai. Kadai wa teng man nga ai hpe daw dan ya na matu rau sa wa ga.

ESAIA 41:21

Dai Madu Israela a hkawhkam gaw ning ngu tsun nu ai: “Masha amyu baw ni a karai ni e, nanhte a amu madun mu. Nanhte lu ai kaja htum ai sakse arai ni shawn mu!

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

ESAIA 50:8

Karai Kasang gaw ani sha nga nga ai majaw, shi gaw ngai hpe mara n kap ai wa hku sakse madun na ra ai. Kadai wa ngai hpe mara tam dangrang gwi nga a ta? Tara rung de anhte rau sa ga! Shi gaw shi a mara shagun ai lam shawng u ga!

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

EZEKELA 18:27

N hkru ai masha wa gaw yubak lam shanang ai amu hpe kau da nhtawm teng man ai hte mai kaja ai amu hpe galaw ai rai yang, shi a asak hpe mawai la lu nga ai.

EZEKELA 33:16

Shi shut hpyit kau sai yubak mara ni hpe ngai raw dat ya na nngai, shi gaw jaw hkrak ai hte mai kaja ai amu hpe galaw nu ai majaw teng teng hkrung nga lu na ra ai.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

KASA 17:2

Pawlu gaw shi galaw ga nga ai lai hte maren, dai tara jawng hta shang nna Bansa Nhtoi masum tup dai kaw na masha ni hte bawng ban ai lam ni woi galaw nga ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

1 SAMUELA 12:7

Nanhte nga nga ai shara hta ya tsap nga mu, nanhte hte nanhte a kaji kawa ni hpe hkye hkrang la na nga, dai Madu galaw nu ai chyalai amu ni yawng mayawng, nanhte hpe shadum jahprang na ngu dai Madu a man e ngai nanhte hpe deng na made ai.