ESAIA 1:17 - Jinghpaw Common Language Bible 2009

¹⁷ teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

Jinghpaw Hanson Version Bible

¹⁷ Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 1:17 ပူးပေါင်းရင်းမြစ်များ

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

PRU MAT 22:21

“Maigan masha wa hpe n sawn n sang di nna hkum dip gamyet sha et. Nanhte Egutu mung e maigan masha tai yu manit dai hpe adum nga mu.

GA SHAGAWP 15:25

Dai Madu gaw gumrawng gumtawng ai masha ni a dum nta ni hpe jahten kau ti mung; gaida gaina jan ni a sut gan arung arai ni hpe chyawm gaw, makawp maga ya na ra ai.

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

GA SHAGAWP 31:9

Shanhte a matu ga shaga ya nna, ding hpring ai tara agyi tai ya u. Matsan mayan ni hte ra kadawn nga ai ni a ahkaw ahkang hpe makawp maga ya u.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

EZEKELA 18:31

Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

ZEHKARIA 8:16

Ndai gaw nanhte galaw ang myit dai amu ni rai nga ai: langai hte langai teng man ai ga tsun nga mu. Tara daw dan ai rung ni hta kaja wa teng man rap ra ai hte ngwi pyaw sim sa lam jaw ya lu ai hku matsan dum hkat nga mu.

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.