ESAIA 1:16 - Jinghpaw Common Language Bible 2009

¹⁶ Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

Jinghpaw Hanson Version Bible

¹⁶ Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

ESAIA 1:16 ပူးပေါင်းရင်းမြစ်များ

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 37:27

N hkru ai lam hpe kau da nna mai kaja ai amu hpe galaw u; shing rai, na a aru arat ni gaw dai lamu ga hta tut nawng e, shanu nga lu na mara ai;

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

GA SHAGAWP 4:27

N hkru ai hpe koi kau nna, lam dingyang hkawm sa nga u; ding man ai lam kaw nna lahkam mi pyi, hkum yit mat et.

ESAIA 52:11

Nawku Htingnu arung arai hpai ai nanhte yawng hte e, Babelon mung kaw na teng sha pru wa mu. Hkum da ai arung arai hpe hkum hkra myit; nanhte a hkum ni hpe shachyoi shapra ai hte pru wa mu.

YEREMIA 18:11

Dai re ai majaw, ngai gaw Yuda mung masha ni hte Yerusalem mare masha ni hpe gumlang maw mawn ai hte shanhte hpe ari jaw na matu jin jin rai nga ni ai lam, shanhte hpe tsun dan u. Yubak lam hkan shangun ai asak hkrun lam ni hpe kau da nhtawm shanhte a arawn alai hte shanhte hkan galaw nga ai n hkru ai amu ni kaw nna kayin wa na matu shanhte hpe tsun u.

YEREMIA 25:5

Shanhte gaw nang hpe dai na a n hkru ai asak hkrun lam hte nang galaw nga ai n shawp n kap ai amu ni kaw na kayin wa na matu tsun nga ai. Dai Madu gaw na a nji nwa ni hpe prat tup jaw lup madu sha lu na nang hpe jaw da sai mungdan hta nang matut shanu nga lu na rai ndai.

YEREMIA 26:3

Amyu masha ni gaw nye a ga hpe madat let shanhte a n hkru ai lam ni kaw nna mahkoi kau da dam ma nhten? Shanhte hkan sa lu ai rai yang, shanhte a n hkru n shawp ai arawn alai ni yawng a matu shanhte a ntsa e ngai shatawng shada da ai jahten shabyak lam hte seng nna nye a myit hpe ngai galai kau na we ai,” ngu nna tsun wu ai.

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

YONA 3:8

Masha hte dusat ni yawng lachyit nba bu hpun lu na rai nga ai. Masha shagu gaw Karai Kasang kaw akroi anoi akyu hpyi lu na rai nga ai, shanhte gaw n hkru ai arawn alai hte n kaja ai amu ni hpe kau da lu na rai ma ai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

ZEHKARIA 7:7

Da ndai gaw Yerusalem mare hta ngamu ngamai wa nna amyu masha law law hte hpring nga nhtawm, amyu masha law law hte wa mare ni hta sha n-ga, grup yin mare ni hte dingda ginwang hte sinna maga de na bum lagaw du hkra masha naw shanu nga ai aten hta moi na myihtoi ni a n-gup hte dai Madu tsun ai mungga rai nga ai.

MAHTE 3:8

Dai majaw, nanhte a yubak mara ni kaw na myit malai lu nna kayin wa sai lam nanhte a arawn alai hte madun dan mu!

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 PETRU 3:11

Shi gaw n hkru n kaja ai kaw na kayin mat wa nna mai kaja ai amu galaw let; shi a myit masin yawng hte dai ngwi pyaw sim sa ai lam a matu shakut shaja lu na rai nga ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.