ESAIA 1:10 - Jinghpaw Common Language Bible 2009

¹⁰ Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

Jinghpaw Hanson Version Bible

¹⁰ Sodom du ni e, Yehowa a ga madat mara mu; Gomora masha ni e, anhte a Karai Kasang a tara hpe na la mu.

ESAIA 1:10 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

ESAIA 28:14

Ya chyawm gaw Yerusalem hta nga ai ndai amyu masha ni hpe up ai myit tsaw myit dap ai ningbaw ni e, dai Madu tsun nga ai ga hpe madat mu.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

EZEKELA 13:2

Shi gaw, “Si chye ai masha wa e, shanhte a myit ra hku htoi ai Israela a myihtoi ni hpe jahpoi kau u. Shanhte hpe dai Madu a ga madat mara na matu htawn tsun u,” ngu nna tsun wu ai.

EZEKELA 16:35

Dai rai nna, Yerusalem e, nang gaw shawa num rai nga ndai! Dai Madu tsun nga ai ga na la u.

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

AMO LAIKA (AMOS) 3:1

Israela amyu masha ni e, nanhte hte seng nna dai Madu tsun nu ai ndai mungga hpe mung, shi gaw amyu baw ting hpe Egutu mung kaw nna woi wa sai lam hpe mung madat mu:

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

AMO LAIKA (AMOS) 9:7

Dai Madu gaw, “Israela amyu masha ni e, ngai gaw nanhte hpe Ehtiopi masha ni zawn myit nawn da we ai. Ngai gaw nanhte hpe Egutu mung kaw nna woi shapraw wa ai zawn Hpilisti masha ni hpe Kreti mung na, Suri masha ni hpe Kira mung kaw na woi shapraw da ni ai.

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

ROMA 9:29

Dai hte maren, shawng e Esaia tsun da ai gaw, “Daru magam atsam rawng ai Karai Kasang a matu mara nkau mi hpe n ngam da taw gaw anhte gaw Sodom zawn tai nna Gomora hte bung na ga ai,” nga ai.

TARA JAHPRANG 32:32

Shanhte a gumlau hpyen ni mahtang Sodom hte Gomora mare yan zawn arawn alai hten za mat nhtawm; hka nna gung rawng ai sabyi si si ai sabyi ru ni hte mung,

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.