ESAIA 1:1 - Jinghpaw Common Language Bible 2009

¹ Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

Jinghpaw Hanson Version Bible

¹ Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 1:1 ပူးပေါင်းရင်းမြစ်များ

2 HKAWHKAM 15:1

Israela Hkawhkam Yeroboam II hkaw dung ai hkun sanit ning hta Amazia a kasha Uzia mung,

2 HKAWHKAM 15:13

Yuda Hkawhkam Uzia hkaw dung ai sumshi jahku ning hta Yabesha a kasha Shalum mung Israela hkawhkam tai wa sai rai nna Samari mare hta hkaw dung let shata mi up nga ai.

2 HKAWHKAM 15:32

Israela Hkawhkam Remalia a kasha Peka hkaw dung ai lahkawng ning hta Uzia a kasha Yohtam mung shi a asak hkun manga ning hta

2 HKAWHKAM 15:7

Uzia si mat wa sai rai nna Dawi a Mare na hkawhkam lupwa hta shi hpe lup makoi da nga ma ai. Shi a kasha Yohtam mahtang shi a hkang hta hkaw galai dung nna hkawhkam tai wa sai.

2 HKAWHKAM 18:1

Israela Hkawhkam Ela a kasha Hoshea hkaw dung ai masum ning hta Ahaza a kasha Hezekia mung

2 HKAWHKAM 19:2

Shi gaw hkawhkam htingnu hpe hpareng ai du Eliakim, hkawhkam wang na amu madu Shebna hte hkinjawng salang ni hpe Amot a kasha myihtoi Esaia hpang de shangun dat wu ai. Shanhte yawng mung lachyit hpun nba hpun da nga ma ai.

2 HKAWHKAM LABAU 26:1

Yuda mung na amyu masha ni yawng mahtang asak shi kru ning kaba sai Amazia a kasha Uzia hpe shi kawa a hkang hta hkawhkam tai wa na matu lata san da ma ai.

2 HKAWHKAM LABAU 26:22

Amot a kasha myihtoi Esaia mahtang shi hkaw dung ai laman Hkawhkam Uzia galaw sai amu yawng mayawng hpe ka matsing da nga ai.

2 HKAWHKAM LABAU 27:1

Yohtam gaw asak hkun manga ning hta hkawhkam tai wa nhtawm Yerusalem hta shi kru ning up nga ai. Shi a kanu gaw Zadok a shayi sha Yerusha rai nga ai.

2 HKAWHKAM LABAU 28:1

Ahaza gaw asak hkun ning hta hkawhkam tai wa nna Yerusalem mare hta shi kru ning up nga ai. Shi gaw shi a kaji kawa Hkawhkam Dawi a kaja ai kasi hta n hkan nang nga ai; shing rai hkan nang na malai, dai Madu n ra sharawng ai amu hpe shi galaw nna,

2 HKAWHKAM LABAU 29:33

Amyu masha ni sha na matu shagu hkungga hku nna usu kru tsa, sagu hkying masum hte hpe mung la sa ma ai.

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 2:1

Da ndai gaw Yuda mung hte Yerusalem hte seng nna Amot a kasha Esaia hpe Karai Kasang jaw ai mungga rai nga ai:

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 6:1

Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

ESAIA 7:1

Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

YEREMIA 23:16

Chyahtum Chyalai N-gun Rawng ai dai Madu gaw Yerusalem amyu masha ni hpe, “Myihtoi ni hkaw tsun ai ga ni hpe hkum madat ya myit; shanhte gaw nang hpe shut ai myit mada shara ni hte jahpring ya nga ma ai. Shanhte gaw shanhte myit shingran mu ai lam hpe sha nang hpe tsun dan ma ai, ngai tsun sai mungga ni hpe tsun ma ai n rai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

HOSEA 1:1

Ndai gaw Yuda hkawhkam ni rai nga ai Uzia, Yohtam, Ahaza hte Hezekia ni up hkang ai laman hte Yehoasha a kasha Yeroboam Israela hkawhkam tai nga ai aten hta Beri a kasha Hosea hpe jaw ai dai Madu a mungga rai nga ai.

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

AMO LAIKA (AMOS) 4:5

Karai Kasang kaw chyeju dum ai myit hte sa nna nanhte a muk nawng jau mu, nanhte la sa ai shajan hkungga ni tsun shakawng dan mu! Dai zawn re ai amu galaw na nanhte tsaw nga myit dai.

MIHKA 1:1

Ndai gaw Yuda hkawhkam ni rai nga ai Yohtam, Ahaza hte Hezekia ni a lakhtak e, Morashet mare na Mihka hpang de Samari hte Yerusalem hte seng nna dai Madu jaw ya ai mungga rai nga ai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

HABAKU 2:2

Dai Madu gaw ngai hpe ndai mahtai jaw wu ai: “Ngai nang hpe madun dan ai lam hpe lungpa ntsa hta e dan dan pra pra ka jahkrat tawn u, shaloi dai hpe praw rai hti lu na ra ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

BU HKAWM 24:16

Karai Kasang kaning nga tsun nga ai hpe kadai wa na lu ai hte, Tsaw Htum ai wa kaw na machye machyang hpe kadai wa lu la nga a ni? Ngai chyawm gaw Chyahtum Chyalai N-gun rawng ai Karai Kasang kaw na shingran hpe dinghkren mu lu ai myi hte shingran hku mu chye nngai.

BU HKAWM 24:4

Ngai chyawm gaw Chyahtum Chyalai n-gun rawng ai Karai Kasang kaw na shingran hku dinghkren lu ai Myi hte myit shingran mu chye nngai.

MAHTE 17:9

Ya dai bum na shanhte yu wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai nanhte mu lu ai shingran hpe, kadai hpe mung hkum tsun dan myit,” ngu nna shanhte hpe hkang dat mu ai.

KASA 10:17

Ya Petru gaw, dai shingran a lachyum a lam naw myit sumru yu nga yang, Korneli shangun dat ai ni gaw Simun a nta hkan tam san nna mu chye manu ai rai nna, ya nta ndaw e sa tsap nga ma ai.

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.