EHPESU 6:4 - Jinghpaw Common Language Bible 2009

⁴ Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

Jinghpaw Hanson Version Bible

⁴ Nanhte mung, nu wa ni e, nanhte a kasha ni hpe masin hkum shapawt myit: dai Madu a sharin achyin ai hte daru shadum ai lam hta, shanhte hpe bau maka nga mu.

EHPESU 6:4 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

GA SHAGAWP 19:18

Shanhte gaw sharin la na prat naw ram nga ai aten hta, na a nsha ni hpe hkang sharin u; nang dai lam hpe n hkan galaw ai rai yang shanhte hpe hten byak shangun na ndai.

GA SHAGAWP 22:15

Ma ni gaw shingra maka hte maren, shanhte n grin n grang ndum ndam sadi sahka n nga ai amu hpe galaw nga ma ai; shingna hte kayat sharin ai gaw shanhte hpe kaja ai arawn alai hta hkan sa shangun nga ai.

GA SHAGAWP 22:6

Ma kaji hpe shi gara hku hkan mai nga ai lam hta sharin ya u; shaloi shi gaw dai hpe shi a asak prat tup adum nga na ra ai.

GA SHAGAWP 29:15

Shading sharai ai hte hkan sa ai tara ni gaw ma ni a matu, mai kaja nga ai. Ma gaw tinang a myit machyu nga ai rai yang, shi a kanu shi hpe kaya kau na hku shi galaw nu ai.

GA SHAGAWP 29:17

Na a nsha hpe tara hte hkang sharin u, shaloi shi a majaw nang tut nawng e, gumrawng lu na rin dai. Shi gaw nang hpe galoi mung kaya jahkrum na n rai.

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

EHPESU 6:3

Shing nga nna htet da ai ga gaw ga ndat lawm ai shawng ningnan na hkang da ai ga rai nga ai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 6:7

Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.

KOLOSE 3:21

Kanu kawa ni e, nanhte a kasha ni hpe masin hkum shapawt myit; shing rai yang shanhte myit kaji myit daw mat na mara ai.

2 TIMOHTI 1:5

Nang gaw na a nwoi dwi Lui hte na nnu Uni yan hta shawng rawng ai baw n sawt ai makam masham nang hta mung rawng nga ai hpe ngai dum nga nngai. Shanhte hta rawng ai baw makam masham gaw nang hta mung rawng nga na hpe ngai kam nga nngai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

TARA AGYI 13:12

Dai hpang Mano gaw, “Na a ga teng wa lit dai shaloi, dai shadang sha hpa galaw na rai ta? Shi gaw kaning re ai asak hkrun lam hpe lam woi awn ang na rai ta?,” ngu nna san wu ai.