EHPESU 6:23 - Jinghpaw Common Language Bible 2009

²³ Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi pyaw ai, tsaw ra ai hte, makam masham jaw ya u ga law.

Jinghpaw Hanson Version Bible

²³ Kawa Karai Kasang hte, Madu Yesu Hkristu kaw nna, ngwipyaw ai hte makam masham hta lawm ai tsawra ai gaw, hpunau ni kaw anga nga u ga.

EHPESU 6:23 ပူးပေါင်းရင်းမြစ်များ

NINGPAWT NINGHPANG 43:23

Dai shangun ma wa chyawm gaw, “Hkum myit ru myit; hkrit mung hkum hkrit myit. Nanhte a Karai Kasang dai nanhte a kawa a Karai Kasang gaw nanhte a nhpye htingpa ni hta nanhte a matu gumhpraw bang ya manit dai. Nanhte a gumhpraw hpe ngai lu la ni ai,” ngu tsun nhtawm Simun hpe shapraw ya ma ai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 15:33

Ya ngwi pyaw ai npawt Karai Kasang gaw nanhte yawng mayawng hte rau a nga nga u ga law. Amen.

1 KORINHTU 1:3

Anhte a Wa Karai Kasang hte Madu Yesu Hkristu kaw na ngwi pyaw ai gaw nanhte hta e anga nga malit ga law.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

GALATI 6:16

Ndai arawn alai hkrang tara hpe tinang a asak hkrung lam hta hkan sa ai ni yawng a ntsa e mung, Karai Kasang a amyu masha ni a ntsa e mung, ngwi pyaw ai hte matsan dum ai gaw anga nga u ga law!

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

1 TIMOHTI 1:3

Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

1 PETRU 5:14

Nanhte shada da tsaw ra ai pup ai hte shakram hkat nga mu. Hkristu a masha ni nlang hte hta ngwi pyaw ai gaw anga nga u ga law.

3 YAWHAN 1:14

Gade n na yang, nang hte hkrum lu na ngai myit mada nga nngai; shaloi she an lahkawng n-gup aga hte tsun chyai lu na ga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

1 SAMUELA 25:6

Shi gaw Nabala hpe ning ngu sa tsun na matu matsun dat wu ai: “Nye a manang wa e, nang mung, na a dinghku masha ni mung, nang hte seng maseng ni yawng hte mung, Dawi gaw shi a shakram ga ni hte mai kaja htum ai akyu hpyi ga ni hte nang hpang de shakram shana dat wu ai.