EHPESU 6:21 - Jinghpaw Common Language Bible 2009

²¹ Ngai kaning rai nga ai shiga azin ayang hpe nanhte chye lu hkra dai Madu a bungli hta kangka sadi dung ai shangun ma rai nga ai anhte a tsaw ra ai hpu nau wa Tuhkiku gaw nanhte hpe tsun dan na ra ai.

Jinghpaw Hanson Version Bible

²¹ Ngai hta byin ai hte, ngai kaning rai nga nga ai gaw, nanhte mung chye lu hkra, dai madu hta kangka re ai shingdep shingtau rai nga ai, tsawra ai hpunau Tuhkiku gaw, lam shagu nanhte hpe shana ya na marin dai:

EHPESU 6:21 ပူးပေါင်းရင်းမြစ်များ

KASA 20:4

Shaloi shi kaw hkan nang ai ni gaw, Beri mare na Puru a kasha Sopata; Htesaloni mare na Aristarku, Sekuntu, Derbe mare na Geu, Asi mung na Tuhkiku yan Trohpimu hte Timohti hte rai ma ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

KOLOSE 1:7

Nanhte gaw Karai Kasang a chyeju lam hpe anhte a tsaw ra ai shingdep shingtau wa Epahpra kaw nna sharin la manit dai; shi gaw anhte a malai Hkristu a kangka re ai magam gun hpai ai wa rai nga ai.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 4:12

Tuhkiku hpe chyawm gaw Ehpesu mare de ngai shangun dat se ai.

TITU 3:12

Artima hpe, shing n rai Tuhkiku hpe, nang kaw ngai shangun dat yang, Nikapoli mare de ngai hpe sa tau na atsam htum hkra shakut nna sa wa rit; hpa majaw nga yang, dai mare e nshung ta shalai na ngu nna ngai myit daw dan da se ai.

HPILEMON 1:16

Ya shi gaw yu maya mayam sha n rai mat sai, masha a hkum shan lam hku yu yang mung, madu a lam hku yu yang mung, mayam madang hta jan ai tsaw ra ai Hkristan hpu nau langai mi tai wa sai: shi gaw nye a matu hte na a matu mayam langai mi hku nna mung, Hkristu hta hpu nau langai mi hku nna mung, grau nna hpu reng nga ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

2 PETRU 3:15

Anhte tsaw ra ai hpu nau Pawlu mung, Karai Kasang jaw ai hpaji byeng-ya hte nanhte hpang de ka dat sai hte maren anhte a Karai Kasang hkam sharang let la ding da nga ai lam gaw nanhte Hkye Hkrang la hkrum na matu ahkaw ahkang jaw ai lam she rai nga ai hpe mu chye nga mu.