EHPESU 6:20 - Jinghpaw Common Language Bible 2009

²⁰ Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

Jinghpaw Hanson Version Bible

²⁰ ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

EHPESU 6:20 ပူးပေါင်းရင်းမြစ်များ

GA SHAGAWP 13:17

Kam hpa n lu ai kasa ni gaw ru yak tsin-yam hpe shabyin nga ma ai; kam hpa lu ai masha ni gaw ngwi pyaw sim sa lam hpe shabyin shatai ya nga ma ai.

ESAIA 33:7

Share ninghkrin ni gaw karum la lam a matu jahtau nga ma ai. Ngwi pyaw sim sa lam tam shakut ai dat kasa ni gaw ahkup ahka nga hkra jahtau ma ai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 1:17

Yeremia e, tsun na matu ngai nang hpe hkang da ai lam magup shanhte hpe sa tsun dan su. Ya shanhte hpe hkum hkrit nga et, nang shanhte hte rau nga ai shaloi, ngai nang hpe grau nna pyi hkrit shangun na nngai.

YEREMIA 40:1

Hpyen luksuk ni a hpyen du Nebuzaradan gaw ngai hpe Rama mare e dat tawn ai hpang, dai Madu gaw ngai hpe mungga tsun wu ai. Ngai gaw Babelon mung de bawng dung hkrum mat wa ai Yerusalem mare masha ni hte Yuda mung masha ni yawng hte rau dai yang e sumri gyit sharen da ai hkrum nga nngai.

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

KOLOSE 4:4

Dai sung htum ai mungga hpe ngai hkaw tsun dan na lit lu nga nngai hte maren asan sha hkaw tsun lu n ga, akyu hpyi ya mi.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

HPILEMON 1:10

Hkristu hta nye a kasha majing tai wa ai ngai sha Onesimu a matu mara ngai nang hpe hpyi nem dat nngai. Hpa majaw nga yang, bawng dung nga ai shaloi ngai gaw shi a Wenyi lam hku nna kawa tai wa ni ai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.