EHPESU 6:19 - Jinghpaw Common Language Bible 2009

¹⁹ Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

Jinghpaw Hanson Version Bible

¹⁹ Dai kabu gara shiga a jaw e, hkang hkyihkyang hte hkang da ai kasa ngai rai nga timung, dai kabu gara shiga a sung htum ai lam hpe nden ja ai myit hte shana ya lu nna,

EHPESU 6:19 ပူးပေါင်းရင်းမြစ်များ

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 14:3

Kasa ni mung tsawmra na hkra dai yang e nga nna Madu a lam nden ja ai myit hte hkaw dan mu ai. Madu mung shanhte hkaw tsun ai Karai Kasang a chyeju hte seng ai mungga teng man nga ai lam sakse madun na matu shan hpe dai mauhpa amu hte lamik kumla ni madun lu ai atsam jaw mu ai.

KASA 18:26

Shi gaw tara jawng hta nden ja ai myit hte hkaw tsun hpang ai. Ya Priskila yan Akula gaw shi hkaw tsun ai ga na jang, shi hpe nta de saw shaga la nna, Karai Kasang a mungga lam hpe grau nna jaw ai hku tsun sanglang sharin ya wu ai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a Mungdan lam chye na hkap la mu ga, shanhte hte tsun hkai hkat nga nna, woi awn da wu ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

KASA 9:27

Dai shaloi Barnaba gaw shi hpe kasa ni hpang de woi wa nna, Shawlu shi dai Madu hte lam e kaning rai mu hkrum nna dai Madu e shi hpe tsun ai ga na lu ai mung, Damasku mare hta Yesu a mying gang nna nden marai hte gara hku hkaw tsun dan ai lam mung shanhte hpe hkai dan mu ai.

KASA 9:29

Shi gaw Grik ga shaga ai Yuda ni hte mung tsun shaga ndang hkat nga ai rai nna shanhte gaw shi hpe sat kau na maw ma ai.

ROMA 15:30

Ya hpu nau ni e, Yesu Hkristu hpe anhte kam sham ai a marang e mung, dai Wenyi e jaw ai tsaw ra myit a marang e mung, nye a matu mara ngai hte rau Karai Kasang kaw myit sharawng awng ai hte akyu hpyi nga na nanhte hpe ngai shadut jahkat made ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 1:5

Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

1 KORINHTU 2:7

Ngai hkaw tsun ai hpaji byeng-ya gaw masha amyu ni n mu n chye hkra makoi magap da ai Karai Kasang a sung htum ai hpaji byeng-ya a lam rai nga ai. Dai gaw ginding aga garai n lat kaw nna anhte hpung shingkang hkam la na matu Karai Kasang tawn da ai yaw shada ai lam rai nga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

2 KORINHTU 1:11

Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 6:11

Korinhtu mare na tsaw ra ai jinghku ni e, anhte gaw nanhte hpe hkrang hkrang sha tsun saga ai; anhte gaw anhte a myit masin chyinghka ni hpe dam lada ai hku nanhte a matu hpaw da saga ai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

2 KORINHTU 8:7

Nanhte gaw makam masham lam hta, mung sumtu hta, hpaji machye machyang lam hta, nanhte a karum mayu ai shawang myit hta, anhte hpe tsaw ra ai lam hta, nanhte hkum tsup law htam nga manit dai. Dai rai nna ndai tsaw ra shawang myit hte daw jau ai amu hta mung, nanhte ndaw nhta alu jaw na hpe anhte ra sharawng ga ai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 3:9

Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 HTESALONI 5:25

Hpu nau ni e, anhte a matu mara mung akyu hpyi ya mi.

2 HTESALONI 3:1

Anhte a hpu nau ni e, hpang jahtum nanhte hpe htet dat mayu ai lam gaw, Madu a mungga gaw nanhte hta e byin ai zawn matut nna grai lawan ai hku chyam bra wa na hte shagrau shareng let hkap la mu ga, anhte a matu akyu hpyi ya mi.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HPILEMON 1:22

Dai hta n ga nye a matu nga shara lajang tawn u; hpa majaw nga yang, Karai Kasang gaw nanhte yawng hte a akyu hpyi ai ga hpe madat ya na ra ai rai nna, nanhte hpang de bai du sa shangun na ra ai hpang jahtum shakram dat ai ga ni ngu nna ngai myit mada nga nngai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.