EHPESU 6:18 - Jinghpaw Common Language Bible 2009

¹⁸ Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

Jinghpaw Hanson Version Bible

¹⁸ Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

EHPESU 6:18 ပူးပေါင်းရင်းမြစ်များ

1 HKAWHKAM 8:52

“Tsaw Htum ai Madu e, na a amyu masha Israela hte shanhte a hkawhkam wa tut nawng myi man pa nga mu ga, mada azi yu nga u law; karum la na matu shanhte nang hpe shaga ma ai shaloi, shanhte a akyu hpyi ga ni hpe na ya u.

1 HKAWHKAM 8:54

Shawlumon gaw dai Madu hpe akyu hpyi ngut jang, tawn hkungri man e lahput hput di ai kaw na lata ladawn let rawt tsap wu ai.

1 HKAWHKAM 8:59

Ndai akyu hpyi ga hte ngai shi hpe hpyi lajin ai ga ni hpe dai Madu anhte a Karai Kasang gaw aten shagu adum ya nga u ga law. Shi gaw Israela amyu masha ni hpe mung, shanhte a hkawhkam wa hpe mung shani shagu ra kadawn nga ai hte maren, tut nawng matsan dum nga u ga law.

1 HKAWHKAM 9:3

Shaloi dai Madu gaw shi hpe, “Na a akyu hpyi ga hpe ngai na se ai. Ngai hpe htani htana nawku na shara hta nang gap nit dai ndai Nawku Htingnu hpe ngai shachyoi shapra se ai. Dai hpe ngai sin yu nhtawm prat dingsa makawp maga na nngai.

ESHTA 4:8

Shi gaw Yuda masha ni hpe jahten sharun kau na lam hkang da sai dai Susa mare e htuk shapraw da sai ndau shabra laika kanan langai mi hpe Hahtat a lata hta bang dat ya wu ai. Eshta gaw hkawhkam wa kaw shang nna shi a amyu masha ni hpe matsan dum myit madun dan na matu hpyi nem ya na mung, byin nga masa sanglang ya na matu mung, ndai laika Eshta hpang de la wa ya na lam Mordehkai shi hpe tsun dat wu ai.

YOBA 27:10

Shanhte jaw ya ai kabu pyaw lam hpe shanhte hkam la ang ma ai; shanhte gaw shi hta dinggrin akyu hpyi ang ma ai.

SHAKAWN KUNGDAWN 4:1

Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

SHAKAWN KUNGDAWN 6:9

shi gaw karum la na matu nye a hpyi jahtau ai nsen hpe madat ya ai hte nye a akyu hpyi ai ga hpe shi htan ya na ra ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

HOSEA 12:4

Shi gaw lamu kasa hpe kamu dang lu jang, hkrap let shaman chyeju hpyi wu ai. Dai hpang Karai Kasang gaw anhte a kaji kawa Yaku hpang de sa nna Behtela mare e shi hte ga shaga chyai wu ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 17:21

“Rai ti mung, ndai baw nat hpe gaw akyu hpyi nna lusha gam ai hte sha n rai yang gaw, kaga hpa lam hku nna n shaden kau lu ai,” ngu mu ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

MARKU 13:33

Dai ahkying galoi du na ngu ai hpe nanhte n chye nga myit dai majaw, sadi let maja nga mu.

MARKU 14:38

Agung alau ai hta nanhte n shang myit ga, amaja nga let akyu hpyi nga mu: Wenyi gaw Karai Kasang a myit ra ai lam galaw shangun mayu nga ai rai ti mung, hkum shan mahtang gawng kya nga ai,” ngu nna tsun mu ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

LUKA 22:46

Madu gaw, “Hpa rai yup nga myit ta? Gunglau ai de n lawm mat myit ga, rawt nna akyu hpyi nga mu,” ngu nna shanhte hpe tsun mu ai.

LUKA 3:26

Nagai gaw Maat a kasha; Maat gaw Matahtia a kasha; Matahtia gaw Semai a kasha; Semai gaw Yosek a kasha; Yosek gaw Yoda a kasha;

LUKA 3:37

Lamek a kasha; Lamek gaw Mahtusela a kasha; Mahtusela gaw Enuk a kasha; Enuk gaw Yared a kasha; Yared gaw Mahalalela a kasha; Mahalalela gaw Kainam a kasha;

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 12:5

Rai ti mung hpung masha ni yawng chyawm gaw Petru a matu mara Karai Kasang kaw aja awa akyu hpyi ya nga ma ai.

KASA 6:4

Anhte nan chyawm gaw, akyu hpyi ai lam hte mungga hkai dan ai amu hta aten tup gunhpai nga na ga ai,” ngu nna tsun mu ai.

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

EHPESU 1:16

ngai gaw nanhte a matu mara Karai Kasang hpe n sim n sa chyeju dum shakawn let nye a akyu hpyi ai hta nanhte hpe adum nga nngai.

EHPESU 2:22

Nanhte mung Hkristu hte langai sha tai nna kaga masha ni yawng hte jawm de ai hpe hkam la nhtawm, shi a Wenyi a marang e Karai Kasang shanu nga ai shara tai wa manit dai.

EHPESU 3:18

Nanhte gaw Hkristu a tsaw ra myit kade dam nna galu ai, kade tsaw nna sung nga ai hpe Karai Kasang a amyu masha ni rau chye na lu na matu, ngai akyu hpyi ya nngai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

HPILIPI 1:4

Ngai nanhte a matu akyu hpyi ai ten shagu hta kabu gara ai hte hpyi nngai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

KOLOSE 1:3

Anhte gaw nanhte a matu akyu hpyi ai ten shagu hta anhte a Madu Yesu Hkristu a Kawa Karai Kasang hpe chyeju dum shakawn kungdawn ga ai.

KOLOSE 1:4

Hpa majaw nga yang, nanhte gaw Hkristu Yesu hpe gade daram kam sham nga ai lam, Karai Kasang a masha nlang hte hpe gade daram tsaw ra nga myit dai lam, anhte na lu saga ai.

KOLOSE 4:2

Akyu hpyi ai hta ayan shakut sharang rai nga nna, amaja nga ai let Karai Kasang hpe chyeju adum nga mu.

1 HTESALONI 5:17

N sim n sa akyu hpyi nga mu,

1 TIMOHTI 2:1

Dai re ai majaw yawng a shawng e, masha yawng mayawng a matu mara Karai Kasang kaw hpyi nem ai akyu hpyi ai, hpyi htinglu ai lam ni hte chyeju shakawn ai lam ni galaw nga myit ga, ngu nna shadut jahkat dat made ai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

HPILEMON 1:5

Hpa majaw nga yang, nang gaw Karai Kasang a amyu masha ni yawng hte hpe tsaw ra nga ai hte, Hkristu Yesu hpe kam sham nga ai lam ngai na chye lu nngai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

1 SAMUELA 1:12

Hana gaw dai Madu kaw aten na na matut nna akyu hpyi nga ai rai nna, Eli gaw shi a nten galem ai hpe azi yu nga ai.