EHPESU 6:16 - Jinghpaw Common Language Bible 2009

¹⁶ Dai hta n ga, makam masham ngu ai n- gang hpe tut nawng e lang da nga mu; hpa majaw nga yang nanhte gaw dai n gun hte N hkru N hkra ai Wa gap dat ai wan pala nlang hte hpe sat dang kau lu na myit dai.

Jinghpaw Hanson Version Bible

¹⁶ Dai hta n-ga, n hkru n hkra ai wa a wan pala nlang hte hpe sat dang kau lu na, makam masham ngu ai n-gang hpe lang kahtap nga mu.

EHPESU 6:16 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

2 SAMUELA 22:36

O Madu e, nang ngai hpe makawp maga nna hkye hkrang la nga ndai; na a karum la ai lam gaw ngai hpe galu kaba shangun nga ai.

SHAKAWN KUNGDAWN 120:4

Hpyenla wa a masen ai pala ni, hkyeng kahtet nga ai nhprang wan n-ga ni hte ari jaw na ra ai!

SHAKAWN KUNGDAWN 7:13

shi gaw shi a si shangun lu ai laknak ni hpe hta lang nna, ju jahkyeng da ai shi a pala ni hte shading da nga ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

MAHTE 5:37

Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

2 KORINHTU 1:24

Nanhte hpa baw hpe kam sham ra myit dai ngu nna anhte hkang ga ai n rai. Nanhte ngang ngang kang kang dai makam masham hta tsap nga myit dai hpe anhte chye ga ai. Anhte gaw nanhte a ngwi pyaw kabu gara ai lam a matu she nanhte hte rau amu gun hpai nga ga ai.

1 HTESALONI 5:19

Chyoi pra ai Wenyi hpe hkum shingdang da mu;

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.