EHPESU 6:14 - Jinghpaw Common Language Bible 2009

¹⁴ Dai rai nna nanhte a nshang hpe teng man ai hte shingkyit zawn kyit da nna, ding hpring ai hpe sinda magap zawn dagap nhtawm,

Jinghpaw Hanson Version Bible

¹⁴ Dai rai nna, nanhte a nshang hpe tengman ai hte kyit nna, dinghpring ngu ai sinda magap hpe dagap nhtawm,

EHPESU 6:14 ပူးပေါင်းရင်းမြစ်များ

2 HKAWHKAM 3:21

Hkawhkam masum gaw shanhte hpe sa gasat nga masai lam hpe Moba masha ni na jang, hpyen laknak lu hpai sai masha ngu na kaba htum dingla ni kaw nna kaji htum ma ni du hkra hpe shaga la nna lamu ga jarit e jahkrat tawn da mu ai.

YOBA 29:14

Ngai gaw tut nawng rap ra ai tara hte amu galaw nngai.

ESAIA 11:5

Shi gaw shi a amyu masha ni hpe teng man rap ra ai tara hte ding hpring ai myit hte up na ra ai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

LUKA 12:35

“Anhte jin jin rai nga na matu nshang e shingkyit kyit nna pyengdin ni hpe shachyi da mu.

ROMA 13:12

Shana ahkying lai magang wa nna shani nhtoi du magang wa ra ai. Dai re ai majaw nsin hte seng ai bungli ni hpe raw sharun kau nna, nhtoi a hpyen hking hpe dagraw nga ga.

2 KORINHTU 6:7

anhte hkaw tsun ai teng man ai mungga hte Karai Kasang a n-gun atsam hku nna mung, anhte gaw Karai Kasang a shangun nchyang ni rai nga ga ai lam shadan dan saga ai. Anhte gaw wenyi lam hte seng ai majan htim gasat na hte anhte a hkum hpe hkap makawp maga na matu dai teng man ai lam hpe anhte a laknak shatai nna lang ga ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

EHPESU 6:13

Dai re ai majaw, Karai Kasang a hpyen hking nlang hte hpe ya jang bu hpun dagraw da nga mu. Shing rai jang she n hkru n hkra ai hte ruyak ai nhtoi du ai shaloi nanhte gaw hpyen wa a gasat gala ai lam ni hpe hkap manga kau lu na myit dai. Jahtum du hkra gasat shangut ai hpang e mung, nanhte ngang ngang kang kang lahpran tsap nga lu na marin dai.

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.

SHINGRAN 9:9

Shanhte a sinda ni hpe hpri sinda magap zawn san ai hte magap tawn da nga ai. Shanhte a singkaw ni kahprap ai nsen gaw, hpyen gasat htim ai gumra leng law law wu ngoi ai nsen hte bung nga ai.