EHPESU 6:12 - Jinghpaw Common Language Bible 2009

¹² Hpa majaw nga yang, anhte shinggyim masha ni hte gasat hkat nga ai n rai; sumsing lamu lahta tang e nga ai n hkru n hkra ai nat luksuk ni hte mung, ndai sin mak ai mungkan hpe up hkang nga ai du ni, ahkang aya lu ai ni hte gasat gala hkat nga ga ai.

Jinghpaw Hanson Version Bible

¹² Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

EHPESU 6:12 ပူးပေါင်းရင်းမြစ်များ

YOBA 2:2

Dai Madu gaw shi hpe, “Nang kade nna du pru n ta?,” ngu nna san wu ai. Satan gaw, “Wo de, le de kahkrang hkawm let ga ntsa e wam hkawm nngai,” ngu nna htan wu ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

LUKA 22:53

Ngai shani shagu Nawku Htingnu e, nanhte hte rau nga nga yang, nanhte ngai hpe hpa rai n rim myit ta? Rai ti mung ndai ahkying gaw nanhte a ahkying rai nga ai hte nsin a n-gun atsam up ai aten mung rai nga ai,” ngu mu ai.

YAWHAN 12:31

Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai Duwa gaw shinggan de kabai kau ai hkrum na rai sai.

YAWHAN 14:30

Ya kaw nna ngai nanhte hte ga law law n tsun lu na ni ai; hpa majaw nga yang, mungkan ga a du wa gaw du magang ra ai; dai wa chyawm gaw nye a ntsa e hpa ahkang mung n lu na wu ai.

YAWHAN 16:11

Mungkan ga hpe up ai wa gaw tara dawdan ai hkrum sai majaw, shanhte gaw tara dawdan ai lam hte seng nna shut nga ma ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 8:38

Hpa majaw nga yang, si ti mung prawn ti mung, lamu kasa rai ti mung, tawa magam ya e nga ai arai, htawm e du na arai hte

1 KORINHTU 15:50

Hpu nau ni e, ngai nanhte hpe tsun mayu ai lam gaw, asai yan ashan hte rai nga ai masha gaw, Karai Kasang a mungdan a sali wunli n dagraw la lu ai hte hten mat chye ai gaw n hten n mat chye ai sali wunli hpe madu lu na n rai.

2 KORINHTU 11:14

Ning rai galaw ai gaw mauhpa n rai nga ai! Satan pyi gaw nhtoi a lamu kasa hkrang hpe naw masu dagraw lu nga ai!

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

EHPESU 1:21

Dai shara e Hkristu gaw, sumsing mungkan hpe up ai ni, ahkang aya lu ai ni, hpung dagu atsam rawng ai ni, Madu ni yawng a ntsa e chyawm tari tai nna up hkang nga ai. Shi a mying ningsang gaw ndai prat a mungkan hte htawm hpang prat a mungkan hta ga shaga ai ahkaw ahkang lu ai mying shingteng mying ni yawng hta grau kaba nga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

2 TIMOHTI 2:5

Gat shingjawng poi langai mi hta shingjawng ai ginsup ninghkrin langai mi gaw hkan sa tara ni hpe n madat n mara a yang gaw, shagrau kumhpa n lu la lu nga ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

HEBRE 12:4

Nanhte gaw yubak mara hte hkrum katut gasat hkat ai lam hta ya du hkra sat kau hkrum na madang du hkra garai n hkap daw ra myit dai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.