EHPESU 6:1 - Jinghpaw Common Language Bible 2009

¹ Ma ni e nanhte a Kanu yan Kawa a ga hpe madat mara nga mu, shing rai galaw ai gaw Hkristan ni hku nna galaw na ang ai amu rai nga ai;

Jinghpaw Hanson Version Bible

¹ Ma ni e, nanhte a kanu yan kawa hpe dai Madu hta madat mara nga mu: dai gaw ging dan ai lam rai nga ai.

EHPESU 6:1 ပူးပေါင်းရင်းမြစ်များ

NINGPAWT NINGHPANG 28:7

Kanu yan kawa a ga madat nna Mesopotamia mung de sa mat wa ai hpe shi mu chye wu ai.

NINGPAWT NINGHPANG 37:13

Yaku gaw Yosep hpe, “Na a nhpu ni sagu bainam rem ai Shehkem de sa na ngai ra nga nngai,” ngu nna tsun wu ai. Yosep mung, “Ngai jin jin rai nga nngai,” ngu nna htan wu ai.

NINGPAWT NINGHPANG 48:12

Dai hpang, Yosep gaw shan hpe Yaku a lahpyen kaw na shaw la nhtawm shi a man e ga du hkra gum dagup shangun wu ai.

NINGPAWT NINGHPANG 50:12

Yaku a shadang sha ni mung shi hkang da nu ai hte maren galaw ya mu ai.

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

ESHTA 2:20

Eshta a matu chyawm gaw shi Yuda masha rai nga ai hpe n chye shangun wu ai. Shi gaw Mordehkai a bau maka ai npu, ma kaji aten kaw nna shi a ga madat mara nga ai hte maren, ndai lam hta mung shi a ga madat nga ai rai nna, Mordehkai shi hpe tsun da wu ai hte maren, kadai hpe mung n tsun shabrawng wu ai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 119:128

Dai majaw na a ga matsun yawng hte hpe ngai hkan nang nga nngai; shut hpyit ai lam yawng hte hpe ngai n dawng nga nngai.

SHAKAWN KUNGDAWN 119:75

Madu e, na a tara dara ai lam ding man nga ai hpe ngai chye nga nngai; nang sadi dung nga ndai majaw, ngai hpe ari jaw nga ndai.

SHAKAWN KUNGDAWN 19:8

Madu a tara ni gaw teng man nga nna, dai hpe hkan sa madat mara ai ni kabu gara nga ma ai. Madu a hkang da ai tara ni gaw ding man nga ai rai nna, myit masin hpe chye na shangun nga ai.

GA SHAGAWP 1:8

Sha e, na nnu yan nwa, nang hpe sharin shaga ai ga hta myit maju jung nna madat mara nga u.

GA SHAGAWP 23:22

Na nwa a ga hpe madat mara u, shi a majaw n rai yang, nang nga pra lu na n rai; asak kaba sai na nnu hpe shareng hkungga ai lam madun dan u.

GA SHAGAWP 30:11

Kawa ni hpe dagam dala ga tsun nna, kanu ni hpe hkungga shareng ai lam n madun ai masha ni nga nga ma ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

GA SHAGAWP 6:20

Sha e, nwa a tsun matsun ai ga hpe hkan galaw nga u; nnu a sharin shaga ai ga hpe mung, galoi mung hkum malap kau et.

YEREMIA 35:14

Yonadab a aru arat ni gaw sabyi n lu na matu shi hkang da ai ga hpe madat mara nga ma ai majaw dai ni du hkra, shanhte hta na langai wa mi mung loi mi pyi chyim yu nga ma ai n rai. Ngai nanhte hpe atsun nga ti mung, nanhte nye a ga hpe n madat myit dai.

YEREMIA 35:18

Dai hpang, ngai gaw Rehkab amyu lakying ni hpe Chyahtum Chyalai N-gun Rawng ai dai Madu Israela a Karai Kasang tsun ai mungga hpe ning ngu tsun ni ai: “Nanhte gaw nanhte a kaji kawa Yonadab nanhte hpe hkang da ai matsun maroi ga ni hpe hkan shatup madat mara manit dai; shi a sharin achyin ai ga ni hta mung nanhte hkan sa nga manit dai; shi nanhte hpe hkang da mada lam shagu hpe nanhte hkan galaw manit dai.

YEREMIA 35:8

Yonadab anhte hpe hkang da ai sharin shaga ai lam ni yawng hpe anhte hkan sa shadik nga saga ai. Anhte gaw anhte hkum nan sabyi galoi mung n lu ga ai, shing rai anhte a madu jan ni mung, anhte a shadang sha ni mung, anhte a shayi sha ni mung prat tup n lu nga ga ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

JAW JAU 19:3

Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

LUKA 2:51

Shi chyawm gaw shan hte rau Nazaret mare de bai wa nna shan hpe madat mara let nga nga ai, Shi a kanu gaw ndai lam ni mahkra hpe shi kraw hta matsing da wu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 16:2

Nanhte gaw Karai Kasang a masha ni shada hkap hkalum la ai hku nna shi hpe Madu a mying hta hkap hkalum bawp la nhtawm nanhte kaw nna karum la ra ai hpa hpe rai ti mung shi hta ra kadawn nga ai hte maren, karum madi shadaw la mu; hpa majaw nga yang shi gaw shi hkum nan masha law law hpe mung ngai hpe mung karum madi shadaw lai wa sai jinghku kaja langai mi rai nga ai.

ROMA 7:12

Dai rai nna Jep ai Tara shi nan chyoi pra nga ai, dai hkang da ai ga mung chyoi pra nga ai, ding hpring ai hte mai kaja nga ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

TARA JAHPRANG 21:18

“Kanu kawa e ari jaw nna sharin achyin ti mung n madat n mara ai hte myit shaja nna gumlau chye ai shadang sha lu ai rai yang,

1 TIMOHTI 5:4

Rai ti mung gaida jan langai ngai hta kashu kasha lu ai rai yang, shanhte gaw tinang a dinghku a matu nawku htung makam masham hte seng nna galaw ra ai lit ni hpe shawng sharin la mu ga, shing rai galaw ai hku nna tinang a kanu kawa ni hte kaji kawoi ni hpe chyeju htang jaw mu ga, hpa majaw nga yang dai gaw Karai Kasang hpe sharawng awng shangun ai lam rai nga ai.

1 PETRU 2:13

Dai Madu a myi man hpe tau nna shinggyim masha hta na ahkang aya lu ai ni a npu e taw nga mu; tsaw dik ai ahkang aya lu ai hkawseng wa a npu e rai ti mung;

RUHTA 3:5

Ruhta gaw, “Nang matsun ai lam yawng mayawng ngai hkan shatup na nngai,” ngu nna htan wu ai.

1 SAMUELA 17:20

Dawi gaw hpang jahpawt jau jau rawt nna, sagu ni hpe rem ai wa langai ngai a lata hta ap kau da nhtawm, Yese shi hpe tsun matsun ai hte maren, lusha la gun nna pru mat wa wu ai. Israela amyu masha ni shanhte tsap dingren ai majan pa de pru sa wa let hpyen garu nga ma yang, Dawi gaw dap de shang wa wu ai.