EHPESU 5:7 - Jinghpaw Common Language Bible 2009

⁷ Dai re ai majaw, dai zawn re ai masha ni hte kachyi mi pyi hkum hkan sharau nang nga myit.

Jinghpaw Hanson Version Bible

⁷ Dai re ai majaw shanhte hta hkum sharau nga myit;

EHPESU 5:7 ပူးပေါင်းရင်းမြစ်များ

SHAKAWN KUNGDAWN 50:18

Nang mu hkrup ai lagut shagu hte a manang nang tai nna; numshaw lashaw ai ni hte rau nang kanawn nga ndai.

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

GA SHAGAWP 9:6

Myit n su ai masha u hpung ni hpe kau da nna, asak hkrung nga mu; hpaji machye machyang lam hta hkan hkawm nga mu,” nga nna jahtau tsun wu ai.

BU HKAWM 16:26

Shi gaw amyu masha ni hpe, “Ndai n hkru ai masha ni a sum kaw na tsan tsan de hprawng tsap nga mu; shanhte hte seng ai arai hpa mung hkum sa hkra nga myit. Shing n rai yang, shanhte galaw shut kau sai yubak mara yawng a majaw shanhte hte rau nanhte mung shamyit kau ai hkrum na rai myit dai,” ngu nna tsun wu ai.

2 KORINHTU 6:14

N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!