EHPESU 5:5 - Jinghpaw Common Language Bible 2009

⁵ Hpye ai wa, kaya n chye sari n rawng ai wa, nammak lawhpa ai wa, kadai rai ti mung, Hkristu hte Karai Kasang yan a mungdan hta sali kamhtaw galoi mung hkam la lu na n re ai hpe nanhte hkrak chye nga myit dai. (Hpa majaw nga yang nammak lawhpa ai lam gaw, sumla nawku ai lam amyu mi rai nga ai)

Jinghpaw Hanson Version Bible

⁵ Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

EHPESU 5:5 ပူးပေါင်းရင်းမြစ်များ

PRU MAT 20:17

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

KASA 20:32

“Ya ngai gaw nanhte hpe Karai Kasang a lata hta mung, chyeju hte seng ai dai Kabu Gara Shiga a lahku lamai ai lata hta mung, ap da masa de ai. Dai Kabu Gara Shiga gaw Madu a amyu masha ni yawng a matu mazing da ai shaman chyeju nlang hte hpe nanhte e hkam la shangun na ra ai.

KASA 8:21

Karai Kasang a man e na a myit masin n ding n hpring nga lit dai majaw, anhte galaw ai amu hta na a matu kamhtaw hpa mung lawm lu na ndai n rai.

GALATI 5:19

Hkum shan a bungli gaw dan dan leng leng rai nga ai rai nna dai ni gaw, hpye ai amu, n san n seng ai amu, ngang kayut ai;

GALATI 5:21

n su n nawn ai, chyaru nang ai lam, sawse lawklek ai hte dai hte bung ai lam ni rai nga ma ai; shing rai galaw ai ni gaw Karai Kasang a Mungdan a sali wunli hkam la na n rai, shawng e tsun dan sai hte maren, ya mung nanhte hpe tsun madun nga nngai.

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.