EHPESU 5:29 - Jinghpaw Common Language Bible 2009

²⁹ (Hpa majaw nga yang, kadai mung tinang hkum hpe n dawng n yawt ai gaw n nga ga ai, shing rai na malai, Hkristu gaw dai hpung hpe bau maka wu ai.

Jinghpaw Hanson Version Bible

²⁹ Kaning rai nme law, kadai rai timung tinang hkum hpe n dawng n yawt ai gaw n nga ai hta n-ga, dai hkum hpe bau maka nna lanu lahku ya wu ai:

EHPESU 5:29 ပူးပေါင်းရင်းမြစ်များ

NINGPAWT NINGHPANG 2:23

Shaloi dai masha gaw, “Ya, ndai gaw nye a hkum hte nan bung ai; Nye a nra hta na nra, nye a ashan hta na ashan rai nga ai. Shi a amying ‘Numsha’ rai nga ai; hpa majaw nga yang shi gaw lasha hta na shaw la ai rai nga ai,” nga nna tsun ai.

GA SHAGAWP 11:17

Nang gaw matsan chye dum ai wa rai yang, nang nan matsan dum hkrum na lam lajang da nga ndai; nang lama, mazut ai wa rai yang chyawm gaw na hkum hpe chyu sha machyi shangun nga ndai.

HPAJI NINGLI 4:5

Shanhte gaw tinang a lata hkatum kau nna tinang hkum kyet si shangun ai gaw angawk angak rai nga ai nga nna tsun ma ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

EZEKELA 34:27

Hpun ni asi si wa nna yi sun hkauna ni nsi naisi ni shapraw ya na mara ai; kadai mung tinang a lamu ga hta shim lum ai hte shanu nga lu na mara ai. Nye a amyu masha ni a hpri saidawng ni hpe agrawp daw kau ya nna shanhte hpe mayam shatai nga ai ni a lata kaw na shalawt dat ai shaloi, ngai nan dai Madu rai nga nngai hpe shanhte chye lu na mara ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 6:26

Ntsa malen na u ni hpe mada yu mu, shanhte nli n gat n dan ma ai, mam dum ni hta mung n mahkawng bang da ma ai. Shing re ai ni hpe pyi, sumsing lamu na nanhte a Kawa gaw, shanhte hpe lusha jaw da nga ai! Nanhte gaw dai u ni hta grau nga myit dai n rai ni?

ROMA 1:31

chye na ai htauli htaula myit n rawng ai ni, ga sadi ga shaka n hkan shatup ai ni, nja nhpra myit n rawng ai hte matsan dum n chye ai ni, shanhte rai nga ma ai.

EHPESU 5:28

Dai rai nna madu wa ni gaw, tinang a hkum hpe tsaw ra nga ai zawn tinang a madu jan ni hpe tsaw ra nga na mai nga ai. Tinang a madu jan hpe tsaw ra ai wa gaw, tinang a hkum hpe mung tsaw ra nga ai.

EHPESU 5:30

Hpa majaw nga yang, shi a hkum hkrang a daw shan ni rai nga ga ai.)

EHPESU 5:31

Dai Chyum laika hta tsun ai hte maren, “Ndai lam a majaw lasha gaw shi a kanu kawa hpe kau da nhtawm shi a madu jan hte kanawn manoi nga na rai nna shan lahkawng gaw hkum shan langai sha tai lu na mara ai.”