EHPESU 5:28 - Jinghpaw Common Language Bible 2009

²⁸ Dai rai nna madu wa ni gaw, tinang a hkum hpe tsaw ra nga ai zawn tinang a madu jan ni hpe tsaw ra nga na mai nga ai. Tinang a madu jan hpe tsaw ra ai wa gaw, tinang a hkum hpe mung tsaw ra nga ai.

Jinghpaw Hanson Version Bible

²⁸ Dai hte maren, madu wa ni gaw tinang hkum hpe tsawra nga ai zawn, tinang a madu jan ni hpe tsawra nga na, sut nga ai. Tinang a madu jan hpe tsawra ai wa gaw, tinang hkum hpe nan tsawra nga ai.

EHPESU 5:28 ပူးပေါင်းရင်းမြစ်များ

MAHTE 19:5

‘De a majaw lasha gaw shi a kanu yan kawa hpe kau da nhtawm madu jan hte kanawn nna, shan lahkawng gaw hkum shan langai sha tai lu na mara ai,’ nga nna Karai Kasang tsun ai hpe Chyum Laika hta n hti yu myit ni?

EHPESU 5:25

Madu wa ni e, Hkristu gaw dai hpung hpe tsaw ra nna de a matu asak nawng ya kau wu ai zawn, nanhte a madu jan ni hpe tsaw ra nga mu.

EHPESU 5:29

(Hpa majaw nga yang, kadai mung tinang hkum hpe n dawng n yawt ai gaw n nga ga ai, shing rai na malai, Hkristu gaw dai hpung hpe bau maka wu ai.

EHPESU 5:31

Dai Chyum laika hta tsun ai hte maren, “Ndai lam a majaw lasha gaw shi a kanu kawa hpe kau da nhtawm shi a madu jan hte kanawn manoi nga na rai nna shan lahkawng gaw hkum shan langai sha tai lu na mara ai.”

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.