EHPESU 5:26 - Jinghpaw Common Language Bible 2009

²⁶ Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

Jinghpaw Hanson Version Bible

²⁶ Dai Hpung hpe hka hte mungga e hka shin kau ai hte jasan jaseng kau nhtawm, dai hpe shachyoi shapra nna, agang chyalang hte kapum kapam re ai hpa mung n lawm ai sha,

EHPESU 5:26 ပူးပေါင်းရင်းမြစ်များ

EZEKELA 16:9

“Dai hpang, ngai gaw hka la nhtawm na hkum hta kap nga ai asai ni hpe kashin kau ya ni ai. Ngai gaw na a hkum hpe arut kashin kau nna tsanlun sau hte chya ya ni ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 14:11

Hkinjawng wa mung dai jasan jaseng na wa hte hkungga ni hte rau dai Madu a hpung shingkang shanu nga ai Sum a shang wa chyinghka lam de la sa na rai wu ai.

JAW JAU 16:30

Dai shani e shanhte a yubak mara yawng kaw na jasan jaseng ai amu galaw na rai ma ai; shaloi shanhte htung hte maren san seng wa na mara ai.

JAW JAU 8:6

Mawshe gaw Arun hte shi a shadang sha ni hpe shawng de woi sa wa nhtawm hka shin na matu tsun wu ai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

YAWHAN 13:10

Yesu gaw, “Hka shin ngut sai wa gaw, hkum ting san seng nga sai majaw lagaw hta lai nna kaga hkum shin shara n nga sai. Nanhte mung langai wa mi hta lai nna yawng gaw san seng nga myit dai,” ngu wu ai.

YAWHAN 15:3

Nanhte chyawm gaw, ngai nanhte hpe tsun dan ai mungga a majaw ya e pyi asan apra rai manit dai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

YAWHAN 17:7

Nang ngai hpe jaw majaw yawng hte gaw, nang kaw na rai nga ai hpe ya shanhte chye masai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 10:8

Dai Chyum Laika hta ning nga tsun ai: “Dai Karai Kasang a mungga gaw nanhte hte htep rai nga ai. Dai hpe nanhte a n-gup hte yin la nna nanhte a kraw lawang hta mazing da manu ai.” Dai mungga gaw nanhte hpe anhte hkaw tsun sakse hkam dan ai Karai Kasang hpe kam sham ai lam hte seng ai mungga rai nga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

EHPESU 6:17

Bai hkye hkrang la ai lam hpe hpri gup chyawp zawn, hkap chyawp la nna, dai Wenyi e jaw ya ai Karai Kasang a mungga ngu ai nhtu hpe ahpye nga mu.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 10:10

Yesu Hkristu gaw Karai Kasang galaw shangun mayu ai myit ra ai hku hte maren, shi a hkum hkrang nan hpe kalang mi hte yawng ngut hkra nawng ya kau ai a marang e, anhte yawng gaw yubak mara kaw na shachyoi shapra la ai hkrum lu saga ai.

HEBRE 10:14

Hpa majaw nga yang, shi gaw nawng ya ai hkungga langai mi hte shachyoi shapra la ai hkrum sai ni hpe prat dingsa na matu jahkum shatsup ya wu ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

2 PETRU 1:9

Rai ti mung dai atsam ni hpe n lu la ai ni kadai mung tsan tsan n mu mada ai, myi n mu ai wa rai nna shi a lai wa sai yubak mara ni kaw nna jasan jaseng la hkrum sai lam hpe nan malap mali di kau nu ai.

1 YAWHAN 5:6

Yesu Hkristu gaw hka hte hkalup hkam la nna sai hkaw ai hte si hkam nhtawm du sa ai wa nan rai nga ai. Shi gaw hka hte sha du sa ai n rai, hka hte mung sai hte mung, du sa ai. Dai hku du sa ai teng nga ai hpe dai Wenyi shi nan sakse hkam nga ai, hpa majaw nga yang, dai Wenyi gaw teng man ai lam rai nga ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.