EHPESU 5:25 - Jinghpaw Common Language Bible 2009

²⁵ Madu wa ni e, Hkristu gaw dai hpung hpe tsaw ra nna de a matu asak nawng ya kau wu ai zawn, nanhte a madu jan ni hpe tsaw ra nga mu.

Jinghpaw Hanson Version Bible

²⁵ La ni e, Hkristu gaw dai Hpung hpe tsawra nna, shi hkum hpe nan de a matu ap kau ya wu ai hte maren, nanhte a madu jan ni hpe tsawra nga mu.

EHPESU 5:25 ပူးပေါင်းရင်းမြစ်များ

NINGPAWT NINGHPANG 2:24

Dai re ai majaw, lasha gaw shi a kanu yan kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na mara ai.

NINGPAWT NINGHPANG 24:67

Dai hpang Isak gaw kanu Sara nga lai wa sai sum kata de woi shawn la wu ai. Rebeka mung shi a madu jan tai wa sai. Isak mung Rebeka hpe tsaw ra wu ai rai rai nna, kanu a yawn hta na shalan shabran hkrum wu ai.

2 SAMUELA 12:3

matsan mayan re ai wa chyawm gaw shi mari la ai sagu kasha langai sha lu nga ai. Shi gaw dai sagu hpe bau rem nna dai gaw shi a nta na shi a ma kaji ni hte rau kaba wa nga ai. Bai shi gaw shi a lusha nkau mi jaw sha nhtawm shi a gawm hta na lu shangun ai hte shi a lahpyen e dai hpe pawn da wu ai. Dai sagu kasha gaw shi a matu shayi sha langai zawn rai nga ai.

Shawlumon A Mahkawn Ga 1:11

Rai ti mung, anhte gaw gumhpraw hte sumli da ai ja saidawng langai na a matu galaw ya na ga ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

EHPESU 5:24

Dai hpung gaw Hkristu a up hkang ai hpe hkam la ai zawn, madu jan ni mung lam shagu hta madu wa ni a up hkang ai hpe tsep kawp hkam la na rai myit dai.

EHPESU 5:28

Dai rai nna madu wa ni gaw, tinang a hkum hpe tsaw ra nga ai zawn tinang a madu jan ni hpe tsaw ra nga na mai nga ai. Tinang a madu jan hpe tsaw ra ai wa gaw, tinang a hkum hpe mung tsaw ra nga ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

KOLOSE 3:19

Madu wa ni e, nanhte a madu jan ni hpe tsaw ra nga nna, shanhte hpe kajet kaje hkum rai nga myit.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.