EHPESU 5:2 - Jinghpaw Common Language Bible 2009

² Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

Jinghpaw Hanson Version Bible

² Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

EHPESU 5:2 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

PRU MAT 29:18

Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai.

PRU MAT 29:25

Dai hpe shanhte a lata na la nhtawm ngai hpe malu masha hkungga nawng jau ai zawn, tawn hkungri na wan nat hkungga a ntsa e nat na rai nga ai. Dai manam pyaw ai hkungga sangau gaw ngai hpe awng sharawng shangun na ra ai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:17

Shi gaw u singkaw jum da nna, n gang je kau ai sha, singkaw hte nawng hkum hpe ga kahpyan nna tawn hkungri hta hkum ting nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

JAW JAU 3:16

Dai Madu gaw lusha hkungga hpe awng sharawng nga ai rai nna hkinjawng wa gaw dai yawng hpe tawn hkungri ntsa e nat nawng na rai wu ai. Sau yawng mung dai Madu a matu rai nga ai.

AMO LAIKA (AMOS) 5:21

Dai Madu gaw, “Ngai gaw nanhte a nawku htung hte seng ai poi ni hpe n dawng nngai; shing re ai lam ni hpe ngai hkam sharang lu na n rai!

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

YAWHAN 13:34

‘Shada da tsaw ra nga mu,’ ngu nna Tara Ningnan ngai nanhte hpe jaw made ai. Ngai nanhte hpe tsaw ra made ai zawn, nanhte mung shada da tsaw ra nga lu na rai myit dai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 KORINHTU 16:14

Nanhte galaw ai amu yawng mayawng hpe tsaw ra myit hte galaw nga mu.

1 KORINHTU 5:7

Nanhte tsep kawp san seng ai ni tai na matu matsi dingsa ngu ai yubak mara hpe ran kabai kau mu. Dai shaloi e nanhte gaw, matsi n rawng ai muk tawng ningnan zawn, tai na marin dai. Dai zawn nanhte kaja wa tai lu nga myit dai hpe ngai hkrak chye nngai. Hpa majaw nga yang, Hkristu ngu ai anhte a shalai wa ai hkungga gaw sat kau hkrum nu ai rai nna, anhte a Shalai wa ai Poi galaw na jin jin rai nga sai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

2 KORINHTU 2:15

Hpa majaw nga yang, anhte gaw Karai Kasang kaw Hkristu nawng jau ai manam pyaw ai bat hte bung nga ga ai. Dai manam pyaw ai bat gaw hkye hkrang la hkrum ai ni hta mung, sum mat hkrum ai ni hta mung chyam bra mat wa sai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

EHPESU 3:17

makam masham a marang e Hkristu gaw nanhte a myit masin ni hta shi a shanu shara shatai u ga, hte tsaw ra myit hta ru jung npawt gaw da let,

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 4:15

Shing rai na malai, tsaw ra ai myit hte teng man ai ga hpe tsun nga ga yang Hkristu ngu ai baw hte lam shagu hta kaba rawt wa na ga ai.

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 5:15

Dai re majaw nanhte gara hku sak hkrung hkawm sa nga myit dai gaw atsawm sha yu nga mu. Hpaji n rawng ai angawk angak masha ni zawn n re ai sha, hpaji rawng ai masha ni zawn hkawm nga mu.

EHPESU 5:25

Madu wa ni e, Hkristu gaw dai hpung hpe tsaw ra nna de a matu asak nawng ya kau wu ai zawn, nanhte a madu jan ni hpe tsaw ra nga mu.

TARA JAHPRANG 27:6

hpa majaw nga yang, dai Madu nanhte a Karai Kasang a matu nanhte gaw ai tawn hkungri shagu hpe n daw n ga la ra ai nlung ni hte galaw na rai myit dai. Nanhte gaw dai hta e wan nat na matu shagu hkungga ni hpe nawng jau na rai myit dai;

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

KOLOSE 3:14

Dai atsam marai ni yawng a ntsa e hkum tsup re ai myit hkrum kahkyin gumdin lam byin hkra arai yawng mayawng hpe gyit hkang ya ai tsaw ra myit hpe kahtap hpun nga mu.

1 HTESALONI 4:9

Nanhte a kam sham ai hpu nau ni hpe tsaw ra na lam hte seng nna ngai nanhte hpang de ka dat shara n nga sai. Shada da tsaw ra nga na lam Karai Kasang e sharin achyin ai hpe nanhte hkam la manit dai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 8:3

Hkinjawng Agyi shagu gaw kumhpaw kumhpa ni hte dusat hkungga ni hpe Karai Kasang kaw nawng jau na matu dang da hkrum ai wa rai nga ai, Dai hte maren anhte a Hkinjawng Agyi Kaba mung shi hta nawng jau na hkungga lama mi lu ra nga ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

HEBRE 9:23

Sumsing lamu e mi kaw nna nga nga ai arai ni a kanan ni rai nga ai lahta de tsun lai wa sai rai ni hpe shing re ai lam hku nna jasan jaseng kau lu nga ai. Rai ti mung sumsing lamu na arai ni nan hpe chyawm gaw grau nna kaja ai hkungga ni hte jasan jaseng kau ra nga ai.

HEBRE 9:26

Shing rai nawng ya ra ai rai yang gaw, ginding aga nnan lat kaw nna law law lang si hkam hkam rai na nu ai; ya chyawm gaw, mungkan ga prat htum na ni wa ai ten hta kalang mi hte ngut hkra du sa nna shi hkum dai nawng ya kau ai hte yubak mara hpe yeng seng kau nu ai.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.