EHPESU 5:19 - Jinghpaw Common Language Bible 2009

¹⁹ Nanhte shada da shakawn kungdawn mahkawn mangoi ga, Wenyi makam masham hte seng ai laka ga hte tsun shaga hkat nga let, nanhte a kraw lawang kata hta Madu hpe mahkawn mangoi nna shakawn kungdawn nga mu.

Jinghpaw Hanson Version Bible

¹⁹ shakawn kungdawn ga, mahkawn mangoi ga, Wenyi hte seng ai laka ga hte shada da tsun nga let, nanhte a kraw lawang hta dai Madu hpe mahkawn mangoi nga nna, mahku shangwi nga mu:

EHPESU 5:19 ပူးပေါင်းရင်းမြစ်များ

SHAKAWN KUNGDAWN 147:7

Dai Madu hpe mahkawn mangoi ga hte mahkawn shakawn mu; anhte a Karai Kasang hpe tingse hte mahkawn shakawn mu.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 86:12

Madu nye a Karai Kasang e, ngai nang hpe nye a myit masin mahkra hte shakawn nga nngai; na a galu kaba ai lam hpe ngai htani htana htawn tsun nga na nngai.

SHAKAWN KUNGDAWN 95:2

Shi a man e, chyeju dum let anhte shang nna, mahkawn mangoi ga hte shi hpe kabu gara shakawn ga.

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

MAHTE 26:30

Dai hpang mahkawn mangoi langai mi mahkawn nna, shanhte gaw Tsanlun bum de pru sa wa ma ai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

1 KORINHTU 14:15

Shaloi ngai gara hku galaw na rai ta? Ngai gaw nye a wenyi hte ngai akyu hpyi nna, nye a myit hte mung akyu hpyi na nngai. Nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

YAKU 5:13

Nanhte hta na langai ngai ruyak jam jau hkrum nga myit ni? Shi akyu hpyi nga u ga. Langai ngai myit pyaw nga a ni? Shi mahkawn shakawn nga u ga.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.