EHPESU 5:18 - Jinghpaw Common Language Bible 2009

¹⁸ Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.

Jinghpaw Hanson Version Bible

¹⁸ Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

EHPESU 5:18 ပူးပေါင်းရင်းမြစ်များ

NINGPAWT NINGHPANG 9:21

Sabyi ntsin nkau mi hpe shi lu ngut ai hpang, shi nang nga ai rai nna hpun nba ni hpe raw kau nhtawm shi a sum hta shakrin taw nga ai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

GA SHAGAWP 20:1

Ladu lai chyaru lu ai gaw nang hpe marawn shabam nna angawk shangun nga ai. Chyaru nang apa hkawm ai gaw angawk ai lam rai nga ai.

Shawlumon A Mahkawn Ga 1:4

Ngai hpe dun la e, an rau sha tsan tsan de hprawng ga; nye a hkawhkam tai nga u, na a gawk de ngai hpe woi shang wa rit. An rau sha kabu let pyaw nga ga; n dum mat hkra lu nang nna dut dang ai lam n nga ai sha tsaw ra nga ga. Numsha ni yawng nang hpe tsaw ra ai gaw mauhpa n rai nga a hka!

Shawlumon A Mahkawn Ga 7:9

na a n-gup gaw jet htum ai sabyi ntsin hte bung nga ai. Shing rai, dai sabyi ntsin gaw nye a nja jan hpang de ading sha lwi yu wa nhtawm, shi a nten ni hte awa ni de lwi du nga ai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 5:22

Nang gaw dingnye hkrum nga ndai! Sabyi palin a share ninghkrin ni! Tsi kayau lu nang ai shaloi share shagan ai hte hkrit myit hpa mung n rawng ai ni!

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

JAW JAU 10:9

“Nang hte na a shadang sha ni gaw sabyi ntsin hte chyaru lu nang ai shaloi, nye a hpung shingkang shanu nga ai Sum kata de shang lu na myit dai n rai; dai zawn nanhte galaw hkrup myit dai rai yang, si na rai myit dai. Dai gaw nanhte a lakung lama ni yawng hkan sa shadik shatup na tara langai rai nga ai.

MAHTE 23:25

“Hpyi hpun ai Tara sara ni hte Hparishe ni e, nanhte dingnye lu myit dai! Nanhte gaw nanhte a gawm hte shat wan re ai ni a shinggan maga hpe jasan jaseng mu ti mung, nanhte a myit kata de gaw kashun kashe hte tinang a akyu tam ai n tara ai hte hpring chyat rai nga malit dai.

MAHTE 24:49

shi a manang mayam ni hpe anu ajin di nhtawm, chyaru nang ai ni hte rau lu rau sha rai nga na ra ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

YAWHAN 2:10

“Masha kadai mung kaja dik ai sabyi machyan shawng jaw ga ma ai; dai hpe lu law ma jang she, sabyi jabu daw na hpe jaw ma ai. Nang gaw kaja dik ai sabyi machyan hpe ya du hkra kyem da ndai!,” ngu wu ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

1 KORINHTU 11:21

Hpa majaw nga yang, nanhte sha ai shaloi, tinang a lusha tinang hkrai sha myit dai, nkau mi gaw kawsi nga ai, nkau mi gaw sabyi chyaru nang ai ni gaw nang rai nga myit dai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

TARA JAHPRANG 21:20

Kanu yan kawa gaw shanhte hpe, ‘An a shadang sha gaw myit ja nna gumlau chye ai hte an a sharin shaga ai ga n madat ai wa rai nga ai; gumhpraw pagawn mi jai shama nna tsa chyaru lu nang ai wa mung rai nga ai,’ ngu nna tsun dan na rai ma ai.

1 HTESALONI 5:7

Masha ni gaw shana aten e yup ma ai, shana aten e chyaru nang ma ai.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.